[weddah]

وانتي طيبة يا عسل وبصحة وسلامة

انا ابغى انصحك من تجربتي كنت محتااارة بين تغذية وعلاج ومو قادرة أقرر وبدأت الدراسة وأنا ما قررت
قلت اروح الكلية واسأل عن القسمين واقرر هناك
لمن رحنا الكلية طبعا أول يوم يكون تعريف بالأقسام ونشوف الكلاسات والمعامل وكذا
واحلى شي في كل تخصصات كليتنا المعامل والشغل العملي

لمن شفت معمل التغذية وشفت معمل العلاج
مررره انشديت لمعمل العلاج وحسيت انا ابغى اكون في هذا المكان وأتعرف على هذي الأشياء
رجعت محد نصحني في العلاج للأسف بس استخرت وقررت خلاااص ابغاه وثاني يوم حطيته رغبتي الاولى
والحمدلله الحين احس ما يناسبني ولا بيعجبني غير تخصصي

حطي في بالك الحين مقارنة كااملة بين القسمين واكتبيها في ورقة واقرئي عنهم قد ما تقدري
بالذات ان التخصصين بعيدة تماما عن بعض في الدراسة والشغل
واكتبي في الورقة اي استفسار وغموض بالنسبة للتخصص
واول يوم في الكلية اسألي الدكتورات مباشرة اللي في بالك وشوفي المعامل
اكيد حتحسي بحماس لاجهزة المختبر او الاشعة واستخيري يومتها وربي يوفقك