[Silent Hill]

اخوي انا اخذت الماده قبل ترم ..

المشكله من الطرفين .. في الطلاب وفي الدكاتره نكون واقعيين..

مشكلة الطلاب بصراحه مع احترامي الشديد وضع الطلاب عندنابالكليه..

مو بس ب 313 بكل المواد تسيب بشكل لا يطاق العديد من المشاكل..

من ناحية الكوبي والبيست واتوقع طلاب كليتنا بياخذو رسالة الدكتوراه في الناحيه هذي..

يبدعو في شي اسمه نسخ ولصق في كل شي فلان سوى كذا احنا وراه..

الشي الثاني الغياب والتاخير بصراحه منظر الباب وهو ينفك وينصك يرفع الضغط..

وكويس ان الدكاتره يتحملون المنظر هذا طول المحاظره..

الي اتذكره ايام المواد العامه في الغالب ما نشوف احد يدخل متاخر..

بس دكاترة كليتنا متساهلين بالامر ونحمد ربنا انهم يتحملون..

انا وانا طالب ما تحملت خ خ خ..

ولو رحت لاحد الطلاب تساله عن البرمجه الي معتمد تخصصنا عليها ايش بكون رده عليك..

اكيد بيقول باستهزاء يعني ايش استفيد منها والى اخره من الردود المحبطه..

يعني بالعربي داخل التخصص مع الخيل يا شقراء..

مشكلة الدكاتره الاسلوب التقليدي في الشرح في كل المواد الا من رحم ربي..

واسا سا البرمجه لا يمكن ان تتعلم بالطريقه الحاصله بكليتنا..

البرمجه تحتاج الا الجانب العملي اكثر من انك تشغل للطلاب سلايد وتقعد تقلب فيها..

تحتاج اقل شي الطالب على الجهاز يكتب اكثر من برنامج..

ومع الاستمرار تصبح الامور سهله..

بعكس التصور الي عند الطلاب مجرد مايطلب الدكتور مشروع عيونهم تتقلب هههههه..

انا تكلمت بصفه عامه يعني بالمجمل الطلاب ما يبغون يتعلمو والدكاتره ما يساعدون على التعلم ..

وعشان ما اظلم الدكاتره في دكاتره تحس انهم يبغو الطالب يتعلم بس عددهم قليل جدا..

وهناك عيب في الطرق التعليميه يعني الغلط موب كله على الدكاتره..

ولكن طريقة التعليم لا تتناسب مع متطلبات الاهداف التي تطمح اليها الكليه..