[Eng.SouL]

المشاركة الأصلية كتبت بواسطة eng.wissssaa سلام عليكم ... كيف حالك اخوي ايش اخبارك .. انا بسألك كم سؤال وكذا عن الهندسة وبديك معلومات عني بحيث هل تصلح لي الهندسة ولا لا اولا هل الهندسة صعععبة ؟؟ لانو انا بصراحة متخوف من الهندسة الي يقول صعبة ورياضيات وماتفهم منها ومدري ايش والي يقول سهلة ورب الكعبة احترت انا بصراحة احب الفيزيا شوية لكن الرياضات مو مرة لانها غثيثة والله ثانيا هل المذاكرة بتكوت 24 ساعة ومتواصلة ولا كيف لانو واحد يقولو بتقعد تذاكر كل شوية ومابتطلع ومدري ايش .. وانا عايدي في المذاكرة اذاكر بكل روح صراحة بس لاتطووول ههه .. ثالثا هل الدكاترة متساهلين بحيث الاسئلة تكون سهلة وطيبة؟؟؟ لاني سمعت انو اسئلة الهندسة كلها اختياراااااات ....!!! وكم عدد ساعات الدوام وهل يوجد اوف مثلا يوم الربوع مافي جامعة ؟؟ برجع لاول سؤال انا متخوف لانو يقولو فيها صعوبة وماتنفهم وقروشة وشي لايطااااااااااااااق وياليت والله ياخوي تقلي مدى الصعوبة وكيف راح اذاكر وكيف الدوام وكيف الدكاترة وكيف لمن اتخرج فين بتوظف ؟؟ واخيرا والمفروض هذا السؤال يكون اولا!! هل السنة التحضيرية متعبة وصعبة ؟؟ واسف ع الاطالة .. بس علة فكرة انا زيك نصراااوووي

أعذرني أخوي..
أنا توي منهي السنة التحضيرية وما بدأت دراسة التخصص للحين :)
تقدر تسأل في قسم الهندسة وإن شاء الله يفيدونك ..
وبالنسبة للسنة التحضيرية أنا متأكد إن ما كان فيه ولا شخص طايقها، وانا كنت اكرهها لدرجة إني ما كنت أحضر أكثر من نص المحاضرات واحسها بتقتلني، وكثير طلاب سحبوا ملفاتهم
بس ألحين وقت ما أكلم أخوياي عنها ونتذكرها، نحس إنها مرة حلوة ونشتاق لها بس مستحيل نرجع ندرسها ثاني مرة
باختصار: سيئ جدا تعيشها، لكن جميل جدا انك تتذكرها

ويا هلا بالنصراويين كلهم