[خآطري مستهآمك]

ياعمري انتم الله يعوضكم باللي أحسن من الدبلوم وأخير منه
ماتدرون الخيرة وينها , والله سبحانه دايم يقدّم لنا الشي الزين
يعني الشي اللي يرضاه لنا ويشوفه الأنسب يعطينا اياه والعكس
عشان كذا لاتتكدرون ولا تضيقيون عمركم وخلوا أملكم بالله سبحانه
يمكن ربي يعزكم ويعطيكم من الخير إلين يرضيكم بدون شهادة دبلوم
يعني الدبلوم هو اللي ب يفتح لكم أبواب الرزق ؟! وماتمشي حياتكم إلا فيه ،
لاتقولون عشان اني انقبلت ومو حاسه فيكم وأقول هالكلام من فراغ
لا ورب البيت إنكم خواتي وأكثر , ولو صار لي مثلكم بأكون مقتنعه بإرادة ربي
مع إني انقهرت لما قدمت ماستر ولا انقبلت ب أول لحظة جتني الرسالة
وبعدها شلت الغشاوة عن عيني ودعيت ربي يكتب لي الخير وين ماكان
ولو اقولكم ماتصدقون إني قبل ماكنت أبي الدبلوم وماحبيته
لكن شوفوا ربي سبحانه قدّره لي , وإن شاءالله إنه خير ،
ولاتحسبون إن باب الدبلوم تقفل معناته خلاص انتهت الدنيا
لو تقفل باب ب ينفتح لكم ألف باب ، ماتدرون لو بكرا يجيكم خبر يفرحكم
والليلة أول ليلة من أيام فضيلة العشر الأواخر , لاتضيعونها تكفووون
ولاترجون خير من الدبلوم ولا من الجامعات , ارجوه من رب العباد
هو اللي يعطينا ويمنحنا وماخاب من دعاه ،


الله يوفقكم ويسعدكم يارب ويكتب لكم اللي فيه خير وصلاح
ويفتح لكم أبواب رزقه وفضله إن ربي قريب مجيب -


حافظكم ربي ~



.