[صريحه وطيوبه]

السلام عليكم ورحمه الله وبركاتـــــــــــــــــــــــــــــــهـ

في البداية ان شاءالله يكون موضوعي في الصندوق المخصص له
ثااااااانيا .. بقولكم قصتي الطويلة ( يفضل انكم تاكلوا فشار او شيبس وانتوا تقروها )
قصتي بدأت من السنة اللي طافت
الحمدلله بعد مانجحت من الثانوي وانا مستاااااانسة وحفلات واخر دلع .. لكن ماحسبت حساب "مأسآة الطالب السعودي بعد الثانوي " اول شئ اختبرت القدرات والتحصيلي و بدأت اسجل بكل جامعه اشوفها قدامي ومنها جامعه طيبة بالمدينة المنورة ..اما جامعه عبدالعزيز سجلت فيها وانا العب يعني فراااغه لاني مافكرت ابدا اني اغترب .. وبدأ القلق والخوف يقبلوني اولا ؟؟ وطبعا هذيك السنة ماسافرنا ولا مكان مراعاة لشعوري هع هع >> اللي يشوفني يقول كل سنة في باريس هع .. وماخليت ادعية واستغفار الا قلته>> ايام مستحيل انساها
المووووووووووووووووهم >>> ادري هذرة البنات ماتخلص
في صباح يوم جميل دقت ساعه الفرح دقت ساعه القبول رسالة ع جوالي .. جامعه طيبة قبلوني بس لازم اجي ويتأكد القبول وفرحت وناقزت واحضن اهلي ههههههه >> اللي يشوفني يقول انخطبت ..بيني وبينكم قلق تحاليل الخطووووبة اهون من قلق القبول.. طبعا وقتها كنت في المدينة ورحت للجامعه وتعنيت وقطعت مشاوير مشي, بالاخير قال شنوو ماافي مكان شاغر !!!!! قلت لهم شلووووون انا جاية بنفس اليوم اللي قلتوا قالوااااااااااااا مااافي مكان شاغر ( واخلاقهم بخشمهم ) وربي انقهرررررت مرة
كنت بطلع سلاح المراة ( ) بس قلت هذول ماينفع معهم وقلت حسبي الله ونعم الوكيل عليكم
ورجعت السيارة وحالتي يرثى لها ولحد يكلمني واقفل الباب على نفسي وما اكل >>> يعني شغل البنات اللي انتوا خابرينه ... بعدها كلموني اهلي ونصحوني يمكن مايكون فيها خير ليا وانشاءالله تنقبلين بجامعه ثانية ومن هالكلام ..

وبعدها بيوم جااااني قبول بجدة انا طرت من الفرحه ومحد قدي انقبلت بعزوز لكن فجأة صار فيسي كذا بعدها كذا
قلت اووه جدة !! معناها ابعد عن اهلي ..معناها سيول .. معناها اكيد اهلي مو موافقين .. معناها انطقي بالبيت
وفكرت وفكرت بالنهاية قلت لاهلي وكذا في البداية ماقتنعوا خصوصا امي الحبيبة لكن بعدها واصريت عليهم لين اقتنعوا
ع اساس بس سنة تحضيرية واقدر احول للمدينة على حسب كلام عميد القبول والتسجيل لجامعه طيبة ... ودرست السنة التحطيمية بجدة ..
الحين لما كلمنا جامعه طيبة قالوا مااايصير تحويلين لازم ع الاقل تدرسي سنة تخصص بعدين تقدري تحولي !!!!!!!!!!!!!

ايش السالفة بالضبط ؟؟؟؟ وربي صعبة اني ابعد عن اهلي طول هالفترة
والحين اهلي يقولوا خلص مو لازم تكملي خليك بالبيت ( يقولوها بالمزح ) بس انا عارفة اسلوبهم وفهمتها وهي طايرة بس قلت لهم لو امووووت ما اجلس بالبيت
عاد كنت متضااايقة مرة وكلمت صديقتي العزيزة قالت لي شرايك سوي خطاب نقل من جامعه لجامعه !!! بس مادري ايش يعني ؟

ممكن رايكم ؟؟ لاني محتااااااااااااااارة اكمل ادرس تخصص سنة ..
او اسحب بالمرة واجلس في البيت >>>
او الخطاب هذا هل ممكن يفيدني بشئ ؟؟
اللي يقدر يساعدني بلييييز لا يبخل علي وماراح انساكم بالدعوات الرمضانية
ادري طولت السالفة بس والله متضايقة مع هالصبح وقلت مالي غير الله ثم انتوا ...