[LeLou]

و عليكم السلام و رحمة الله و بركاته..

ما ادري أنا حدخل دغري من غير مقدمات،..

الفضفة حلوة صحيح..
بس إنت ما تحس نفسك مكبر الموضوع..

ترى أنا لو حكيت حكايتي بتنقلب مناحة مو بس كآبة..
إنت على الأقل الحمد لله دخلت المجال إللي تبغاه..
أما أنا و ما ابغى اذكر قصتي عشان ما أطول الهرجة كنت أحس أني ماشية في الحياة كدا بس،، كل يوم أخاف من اللي حيصير بكرا..
و جاء بكرا بطريقة غير متوقعة حتى أنا قلت لصاحبتي أنا مو مصدقة إللي قاعد يصير معايا..

و أنا كمان مضيعة سمستر في البيت أكل و شرب و نوم و أنيمي و نسكافيه بس ما زعلت أبدًا أبدًا..
و كنت دايمًا أتمنى أنه ربنا ييسر لي الشغلة اللي حتساعدني في الدنيا و الآخرة..
و بجد على الرغم من أني انصدمت بالوضع إللي قعدت أكوبس بيه سنتين إلا أني مع مرور الأيام أقول الحمد لله أنه ربنا خلاني أنحط في مكان ماني متوقعته ومع كدا قاعدة أكتشفمع الأيام أنه هو الأنسب ليا..

عارفة أنه كلامي كله فلسفة غير مفهومة بس ما أبغى أقلب الموضوع حكاوي القهاوي في نص الليل..
بس اللي ابغى أوصل له أنه الواحد لو يعرف كيف راح يكون حاله على غير ما كتبه له ربنا لاختار قدره هو..
و إذا مو دحين راح تكتشف في يوم من الأيام الخير لك في اللي صار و راح تقول الحمد لله..
و بجد أنا قصتي غريبة جدًا و علمتني درس أنه الخير مو احنا اللي نقرره ربنا اللي يختاره لنا..
حتى صاحبتي تقول لي أنا طول اليوم قاعدة أحكي أهلي عليك<< حسيت نفسي صرت أسطورة..
و إذا تبغى تسمعها ممكن أكتبها ما عندي مشاكل،، بس لا تتجنن من طولها خخخ..

و من جد لا تزعل نفسك على حاجة مو مستاهلة أنا ما أبغى أتكلم بلا مبالاه لكن من جد أنا حاسة أنك باني حوالين نفسك أوهام هي اللي جايبة لك الكآبة..

و أعتذر على الإطالة~