رد: يڪفي أڪۈن في حياتي ، { ذڪرى ..~سعيدﮪ ..للبشر !
في كلام نفسي اقولو
اممممممم
انا انسانه مااحب حركة انسخ وألصق
بس ممكن انسخ اشياء لكن يكون قليل ومميز
انا غالبا لما يعجبني شي احاول اكتب عن نفس الشي بس باسلوبي بس اهم شي اسمو انا اللي كتبتو
لاني احس بالتميز عشان انا اللي كاتباه بنفسي
ترى انا كنت ناويه ماانقل ولا حرف وكل شي انا اكتبو لكن في اشياء مررره عجبتني واضطريت اني انسخها والصقها في مدونتي
ترى ممكن تلاقو بعض كتاباتي في منتديات ثانيه لاني اول كتبت اغلبها في منتدى ثاني يمكن قبل 3 سنين وانا اكتب الين ذي السنه وبعدين بطلت وقلت احتفظ بحقوقي احسن
بعدين قلت ايش استفيد لما احطها بدفتر محد يشوفو غيري؟؟
وقررت احطها هنا
ممكن تلاحظو انو بعض كتاباتي ركيكه في التركيب والفاظها ممكن مو متناسقه او الموضوع مو موحد بس انا عارفه
لاني اوقات اكون اكتب كذا يعني اختبر نفسي هوا انا اقدر اكتب من اول مره من غير اضافة اي تعديل
وحلو انو الانسان يتحدى نفسو على شي وبالفعل يعملو ويستمر في عملو وفي تحديه لنفسو
لانو ممكن مايكون عندك شخص يتحداك او يقبل تحديك
|