[غيم تايه]

المشاركة الأصلية كتبت بواسطة ام عرين اناتخصصي ادارة عامة واختبرت قدرات وانجليزي وقدمت باول رمضان على ماجستير ادارة عامة تنفيذية وبعد ماخلص التسجيل اكتشفت انها خاص يعني 22 الف في الترم اتوقع وهذا جدا غالي علي ومافي ولا تخصص اخر عام بالنسبة للادارة والاقتصاد .. تنصحوني اصبر للترم الجاي؟ ولا اتوكل؟ ومتى رح يفتح التسجيل مرة ثانية؟ وهل هذا الطلب رح ياثر على تسجيلي المرة القادمة؟ انصحوني ارجوكم وسؤال مهم بما اني قدمت اول رمضان متى القبول وكم الاقساط وايش الاجراءات انا جاني الطلب مستوفي الشروط وبس ماجاني شي ثاني هذا وش معناته متى بنقبل؟؟؟؟؟؟؟؟

حيااك اختي ام عرين :

الله يعينك ،، والله المبلغ مو هين ،، لكن تري انتي غلطانه لانه كان فيه مشاركات عديدة
وضحت ان هذا القسم خاص ،، واظن اقسام اخرى ..
- إذا عندك القدرة المادية ،، تمشين في الدراسة توكلي على الله ،، يعني احسبي امكانيااتك المادية ..
- التقديم يعلن عنه في موقع الجامعة وبيكون مثل تسجيلنا للفصل الماضي ..
- بالنسبة للطلب انا راجعت علشان الغي طلبي لانهم قبلوني في ادارة المعلومات ومالي رغبة في هذا
التخصص ،،
وسالتهم قالوا ما يأثر وتقدر تقدم اوراقك مرة ثانية ،
طالما ما كملتي اجراءاتك فترى ما فيه اي مشكلة تقدري تقدمي المرة الجاية ،، .
* الخطوة القادمة تعلن الاسماء ،، تراجعين وحدة القبول في الدراسات العليا ،،
يأخذون اوراقك ويعطونك رقم تراجعين البنك اي بنك مو شرط سامبا ،، تسددين المبلغ المالي ،،
لانه الرقم يحتوى على قيمة الرسوم ،،
ترجعين وتعطينهم الايصال يتم استكمال اجراءاتك ،، إذا لم يتم تسديد الرسوم يكون معك فترة معينة بعدها يعتبر قبولك لاغي ،،،
وتستلمين رقمك الجامعي ،، والبطاقة .. وتبدئين في مشوارك ،،
انا حاس باللي انتي تمرين فيه ،، لانها حيرة ما بعدها حيرة ،، لاني في حيرة مثلك من المشاكل اللي تقابل اكمالي لدراسة الماجستير،،، ..
الله يسر امرك ويسهله ،، ويجعل لك مخرجا من حيث لا تحتسبين ،، وبالتوفيق ان شاء الله ..