أول إشي ( لصاحبة الموضوع)
الله يعطيك ألف عافيه لطرحك لهذا الموضوع وإجابتك لاستفسارات الاعضاء
تاني إشي
لي عدة ملاحظات بحكم إني درست الدبلوم في جامعة الملك عبد العزيز ( السليمانية)
طبعاً تقدري أثناء التدريب العملي تتدربي في مدرسة أهلية بس تكوني متوظفة هونيك
بمعنى قدمتي على مدرسة أهلية واتوظفتي الجامعة ماعندها هالتعقيد اللي تقولك لأ لازم مدرسة حكومية عادي
الشي التاني بالنسبة لترتيب المدارس هما بيحطوك على حسب الاحتياج مو شرط مدرسة قريبة من بيتك ولا ف نفس الحي
أنا ساكنة ف شمال جده وحطوني مدرسة آخر الدنيا بالنسبة لي ( ف النزلة اليمانية) جنوب جدة
ملاحظة جداً مهمة:-
طالبات الدبلوم اللي فاضلهم التدريب العملي هما راح يكونوا آخر دفعة اللي التدريب شهرين يبدأ من 1-11 وينتهي 9-1 أو ع حسب تقويم أم القرى << إحلفي
طبعاً أنا ماعندي أي خلفية كيف تدريب طالبات دبلوم كلية الفيصلية
إحنا كانت تحضر لنا المشرفة 4 مرات وتقيمك من 70 درجة
مشرفة من الوزارة ( الموجهة) وتقيمك من 20 ولمره واحده فقط
المدرسة تقيمك من 10 درجات ع الحضور والغياب والأنشطة ...... إلخ
طبعاً أحتمال بنات التدريب هالسنة ماراح تقيمهم الموجهة ودا أفضل شي لانك ممكن ماتعطيك الدرجة اللي تستحقيها من حضور حصة واحدة فقط
بالنسبة لترتيبك في الكلاس/ الشعب
في الجامعة ما نترتب أبجدياً يوزوعوا مجموعات متساوية على حسب التخصص مثلاً قبلوا 10 تخصصهم علم إجتماع يتوزعوا ع الشعبتين وهكذا لأن ترتيبنا ما كان أبجدياً
والعدد متساوي في كلتا الشعبتين
وممكن إذا شعبة مو مرتاحه معاها تحولي من شعبة لشعبة أو مثلاً حابة تكوني مع صحباتك
تلاحظوا كمان بعد كدا بنات يسحبوا بس مو كتير اللي مثلاً حابة تكمل وتسافر البعثة أو اللي لقيتلها وظيفة حكومية وغيرها من الأسباب
وممكن ترى يجوا بنات مو من أول أسبوع تاني أو تالت أسبوع كانوا ف قائمة الاحتياط
ملاحظة آخر شي :-
إمكن نظامهم وترتيبهم وطريقتهم تتغير تبع الدبلوم في جامعة الملك عبد العزيز خاصة إنهم خلوا خطة الدراسة سنة واحدة فقط
تنويه بسيط ،،
إعتذر لصاحبة الموضوع طولت ف الحكي
أكييييييد أمون نفس التخصص <<
آوووووت