[نورة الحربي]

هلا والله
وشهر مبارك
اقول مو كنه أسألتك بدري << شطحة

المهم :
موادك ذي كلها اخذتها وجبت بفضل الله درجات زينة ..
اول شيء مبادئ محاسبة : ياربيية ياذي المادة مابلعتها ابد ابد بس مشي الحال
اذا انتي انتظام .. انا اخذتها مع رغداء الرملي هااادئة مرة وتجيب النوم .. ماتعطي تكاليف زوود على ماا اذكر انها تعطينا تمارين ونسلمها المحاضرة اللي بعد يعني واجب وحاطة عشر درجات على المشاركة بالمحاضرة

عندك بقراءات انجليزي : المادة تهبل مرررررة وسهلة فوق ما تتخيلين بس اذا اخذتيها مع دكتورة خديجة عبدالله احنا اول سمستر تدرسة عندنا بالجامعة كانت طيوبة واسألتها تاااافهة مرة وانت نايمة تحلينها

اساليب و طرق عمل : يااااثقل طينتها هالمادة مررررة شينة مدري من الله ما حبيتها ، على الرغم كثير من البنات يمدحونها ويحسونها تمام .. افتكر كان تكليفها بشيء اسمه خرائط اجراءات وخرائط تصميم المكاتب << اذا اخذتي المادة راح تفهمينها .. أخذتها مع سناء با ناجة وطبعا معروفة بأسألتها المقاليييية

ونجي للبوووووم الكبير جدا جدا نظم معلومات ادارية : ياااربية يا هالمادة ما صدقت على الله ينتهي الترم المادة كريهة وهرجها واااااجد مرررررة مررررة بأختصار المنهج طويييل وكله عن الحااااسب وعلاقتة بالادارة .. أخذت المادة مع حياة راجخان.. تكليفها تعملين تقرير علمي عن نظام معلوماتي مستخدم في قطاع حكومي وتلمين بجميع نواحي وثمن تعرضين بالمحاضرة برزنتيشن وعلى الرغم من دسامة المادة بس بالاخير الحمدلله اختبرت وجبت نتيجة ما توقعتها بفضل الله :)

اممم ادارة محلية : صحيح المادة شوي مال امها داعي ندرسها بس ماشي الحال اخذتها مع العنود السبعان
طبعا ما يحتاج تعريف بهالانسانة الخطيرة .. اسألتها تمام بس يبيلها تركيز شوي وتحب البووونسس ربي يسعدها
مررة ساعدتنا بالبونس .. بالنسبة لتكاليفها ماهي ثابتة على شيء معين كل ترم تطلب شيء غير

الله يوفقك ويفتح عليك ويسهل لك يارب

أدعيلي انا هالسنة تخرج بأذن الله