[محمد بن عيضه]

حياك الله أخوي وإن شاء الله إذا أقرنت طموحك بتوكل على الله ثم عمل جاد فإنك ستصل إلى ماتصبو إليه بإذن الله بل ستجد مهمتك سهلة وممتعة ونصائحي لك :
1- التوكل على الله وأن تجعل العلم الذي تتعلمه قربه إلى الله وصدقني راح تلقى التوفيق حليفك .
2- تنظيم الوقت .
3- بالنسبة لفكرة المدرسين الخصوصيين فهي فكره ممتازه لكن راح أعطيك نصيحة أول مابتدخل الجامعة راح تسمع أسامي مدرسين كثير منهم أشرف بركات و جمال السعدي و يوسف زويل وراح تلقى كثير من الطلاب يتدافعوا عليهم وراح تسمع كلام عنهم إنو مافي زيهم ونصيحتي لا تنخدع لإنهم عايدييييين جداً مو سيئين لكن عايدين لكن الحلو فيهم ملخصاتهم لأنه صراحة ملخصاتهم تغنيك عن الكتاب بالمرة لدرجة أ،ك راح تتفاجأ بعد ماتشتري الكتب إن الكتب بتصير فوق الرف بدون داعي وتلقى نفسك تذاكر من ملخصاتهم فقط وتجيب درجات عالية . أفضل شيء تسويه إنك تاخذ ملخصاتهم وتدور مدرسين يجوك البيت إذا كان عندك قدره مادية وتخليهم يدرسوك من هاذي الملخصات وراح أقلك ميزة الحركة إنو المناهج سهله يعني مايحتاج واحد محترف يشرحها عشان كذا بدال ماتروح عند مدرس خصوصي مشهور وتلاقي عنده من 15 أو أكثر في الفصل تخلي واحد يجيك إلى البيت وإنت لحالك أو معاك واحد عشان تقل التكاليف وتكون مروق معاه ويكون هوا كمان فاضي يعني تسأله براحتك وفي نفس الوقت تستفيد من الملخصات المشهوره

4- وأخيراً أبغى أعلق على فكرة المعهد نصيحة أخوية لا تدخل معهد مع الجامعة لأنك إنت في الجامعة نظام معهد عشان أوضحلك الصورة إنسى إنك في الجامعة ها خلاص نسيت ههههههه طيب تخيل إنك سجلت في معهد ينفع تسجل في معهد ثاني عشان يطورك وتصير أحسن في المعهد الأول ولا أحسن إنك تبقى في المعهد الأول وتشد حيلك فيه وتدرس أول بأول وتحضر وتنتبه وإذا إنتا مره سيء تجيب مدرس ؟؟؟!!!
أكيد الفكره الثانية أحسن لأنك فيها راح تركز على منهج واحد وتطور نفسك فيه بينما الفكره الأولى راح تلاقي نفسك تدرس منهجين مختلفة فراح تلقى نفسك متشتت وقاعد تضيع وقت و جهد ومال يعني بإختصار دراسة الإنجليزي في الجامعة كأنك في معهد فا ميحتاج تروح معهد ثاني أبداً أبداً أبدا .

أتمنى أكون أفدتك وعلى فكره المواد اليي راح تحتاج فيها مدرسين الكيمياء والفيزياء والرياضيات و الإحصاء
والسلام عليكم