منتديات سكاو - عرض مشاركة واحدة - احتياجات السنة التحضيرية .. بنـــــــــــات ادخلوا ضرووري ... نبغى نستفيد من خبراتكم

{halah.. · 13-08-2011, 05:54 PM

سلام

اول حاجا الف مبروووك انك انقبلتي ف الجاامعا

شدي حيلك عشين نهاية السنا ترتاحي << ترا الصيفي قرف

تاني حاجا البنات ماقصروا قالولك ايش تحتااجي وانا حتفلسف حبتين ادا ممكن

اول شي خدي واقي شمس لازم لازم لازم ولا حتسيري سووودا

انا واللهي مرا بيضا بس دحين سمرت بطريقا غبيا وسار جسمي الوان ايدي لون ووجهي لون ورقبتي لون خليها ع الله

اشتريت اول حاجا واقي شمس من بودي شوب ومانفع مرا كلام فاضي

مع اني كونت احط مرا كتير

اشتري واقي من نيتروجينا مرا كويس نقرتين لعرض الصورة في صفحة مستقلة

دا اهههههههم شي
-----
اما اللبس

التنانير خدي اربعا بالكتير جينز وفصلي التنانير الاسترتش مرا مرييييحا والبلايز بكيفك ..

الشوزات الله يكرمك خدي المفحطا ع الارض مرا مريحا

انا اخدت الصنادل الحبال سارت رزووولي الوان برضو

في بنات يلبسو كعب مرا عالي وحالتهم مرا تضحك تاعبين نفسهم شايلين كتب تقيلا ومن مبنى لمبنى

فمرا مايحوج

امممم

دا اللي فبالي دحين لو افتكرت شي مهم حجي مرا تانيا نقرتين لعرض الصورة في صفحة مستقلة

والملخصات اشتريها من بدري وزاكري منها مو قبل الاختبار بكم يوم

وبس ياستي الله يوفقك وتجيبي احلى الدرجات وتخشي القسم اللي تبغي

بايوو