[مصره على قراري]

أنا السما والي يبي يشوفني فوق
هذا مكاني رغم صعبات الأقدار
إسمي شموخ وفعلي يبين الذوق
طبعي كسبته من بعد مجد الأحرار
ماني من الي يتقي الوقت والعوق
وإن مال وقته كثر القول بأعذار
مابيع راسي في مضاريبة السوق
الدار داري والهوى عندي يانار
من كثر القيلات ماهو بمرفوق
كسٌرت فنجاله ولاتحشمـه دار
والي يزمل كلمته بزين منطـوق
انقدمـه عالكل لو صار ماصار
مجدي صنعته بين اضلاع وعروق
يلين صارت سيرتي للكل تذكار
اعرف قلوب الناس من مقله الموق
واميز الطيب من الناس واختار
اهديها للناموس من خيل ونوق
والمركز الأول يبا عزم وابهار
يلي اتحداني ولا تدري العوق
ابوي علمني التحدي والإصرار
أتوق توق الريم واشعاري اتوق
وغيري مكانه ماتحرك ولاسار

احب هالقصيده بشكل مو طبيعي
هيا اغنيه لراشد بس بعد ما تركت الاغاني ولله الحمد<<من فتره قريبه
صرت اجمع كلمات الاغاني الي كنت احبها واكتشفت
ان الابيات احسن بكثير من صوت الازعاج والموسيقه