[مصره على قراري]

رغم اني من عائله مقتدره والحمد لله
بس عمري ما استهنت بالفلوس
ولا طلبت مبالغ ضخمه لمجرد الرفاهيه
وهذا نظامنا كلنا(انا واخواني)
الصيف نبداء نتوزع
وكل واحد منا يدور شي يشغله
ويا حبذا ننشغل بوظيفه
بالنسبه لأخواني الشباب
انطحنوا من جد
جربوا كل شي بالحياه
لدرجة انهم كانوا يبيعون بليله على بحر رابغ
وكل الناس كانت تلوم ابوي
ويقولون معقوله عيال (فلان)يشتغلون هالشغله
واحنا البنات كان لنا بعض التجارب
استقبال بالبنوك-مراكز التدريب النسائي وشغلات من هالنوع
بس كل هذي التجارب علمتنا قيمه الماده
واعطتنا احساس بالتواضع اكثر
وانوا الشغل مهما كان مو عيب

موقف ما انساه~~
تخرج يزيد اخوي من الثنويه بنسبه تفشل
ومستحيل يدخل انتظم لو يطير
بكل برود جاء لبوي وقال
يوبه:قدر الله وما شاء فعل نعترض يعني على حكم الله
يلا بخششني واكشخ جامعه خاصه يبو يندر تكفى
ردت فعل ابوي كانت غريبه
نادانا كلنا
وسطرنا قدامه
وبداء يتكلم
وقال اسامينا كلنا وكل واحد من اخواني وايش منصبه الحين
وايش الحياه الي عاشها وانوا ولا واحد منهم اعتمد عليه
حتى سياراتهم هما الي اشتروها بفلوسهم
وفي الجامعه كانوا مستأجرين بيت جنب الجامعه ويروحون مشي
وهما بنظر الناس عيال(فلان) حتى كانوا اصحابهم يحسبون انوا ابوي متبري منهم
حتى وظايفهم ابوي مالوا دخل فيها ولا حاول يتوسط
واول جريده اشتغل فيها محمد كانت مجامله لأبوي
من صاحب الجريد
وترك الجريد من ثاني اسبوع بضغط من ابوي
رغم انوا غيره يحلم بنص الراتب الي كان رح ياخذه محمد
في الجريده ذي
وقال شوف اخوانك بالقوه لقوا وظايف رغم انوا برفعت تلفون اقدر اعينهم برواتب محد يحلم فيها
وطلع كرت البنك وقال ليزيد
افضل جامعه خاصه بجده كم رسومها؟؟؟
قال يزيد ما تقل عن 50 الف لترم
قال وكم سنه بتدرس؟؟
قال اقل شي 4 سنوات لو شديت حيلي ومن غير ما احمل مواد
في نفس اللحظه اتصل ابوي على البنك
وطلب استعلام عن الرصيد
وفتح السبيكر عشان نسمع الرقم
وكان في حسابه مبلغ يغطي دراسة يزيد 4 سنوت وزياده<<الحمد الله
قال ليزيد سمعت الرقم؟؟؟
قال ايوه
قال والله لو عندي 10 اضعافه
مارح ادفعلك ريال واحد لا بجامعه خاصه ولا انتساب مدفوع
وعندك 3 شهور الصيف
اشتغل وجيب المبلغ من جيبك ولا انطق بالبيت
عاد يزيد وقتها زعل وقام
واحنا تفاجئنا من اسلوب ابوي ما توقعنا يطنش دراسة يزيد عشان فلوس
ولما قام يزيد كلمناه وقلنا حرام لو ما عطيته فلوس مارح يدرس
قالنا ابوي :الدراسه مو مهمه قد الاحساس بالمسؤوليه
والرجوله
وسكتنا كلنا
وانجبر يزيد يدور على وظيفه
واشتغل في مجمع العرب كاشير براتب ثلاث الاف وخمس ميه
لمدة شهرين ونص
وجات الدراسه وقدم انتساب مدفوع
ودفع فلوس اول ترم
وللحين يشتغل بنفس المكان عشان يدفع رسوم الاترام كلها
وكل الناس تلوم ابوي
انت مقتدر و ولدك يشتغل كاشير
ورأي ابوي ما يتغير
واحنا كلنا صراحه مقتنعين بكلامه
ويزيد صار مسؤول اكثر
وحريص على دراسته اكثر من اي شي
ويفكر يقدم على الموارد بجامعه خاصه بعد
ما يتخرج من عزوز
تربية امي الله يرحمها واسلوب ابوي
علمنا المسؤوليه اكثر
وان كل واحد يخطط لحياته ويتحمل نتأج هالحياه
وبالفعل هذا الدرس راسخ بعقولنا كلنا
واسم ابوي وو ظيفته
ما غيرت فينا شي
كلنا نتجنب نقول اسمنا الكامل
نكتفي بالاسم واللقب
كل هذا لانا معتزين بأنفسنا
وسواء ابوي سفير او فراش بمدرسه
هذا كله ما يفرق معنا
الي خلاني اتذكر هالموقف
واقول هالكلام
لان ابوي خلاص قدم طلب استقاله
وكأني حابه اثبت لنفسي
انوا احنا بالوظيفه ومن غيرها
ما تغيرنا وحتى لو تغير مستوانا المعيشي
وصار اقل
هذا مارح بفرق معنا لانا اساسا
ما كنا معتمدين على ابوي
كمصدر دخل
كل واحد من له وظيفته
وحتى لو كان دخلها قليل احنا كنا عايشين عليها
ومنصب الوالد ما خدمنا بشي
وكل شي مميز وصلنا له
كان بمجهودنا بعد توفيق الله
4 بنات و4 شباب
وكل واحد منا له مجاله
وانجازاته
الي الكل يحسدنا عليها
كل الي احنا فيه بتوفيق الله
ثم اسلوب تربيتنا

وكل واحد منا اللحين يفكر يربي عياله
بنفس الاسلوب لانا الحمد الله شايفينه صح
ورغم ان الناس كانت تتكلم علينا
لما تشوفنا بالصيف نشتغل
او لما يدرون انا ندرس بمدارس حكوميه
بس كل هذا ما كان يهمنا

على فكره(كلية البترجي الي ادرس فيها اللحين منحة تفوق واخذ مكافئه ومع عقد منتهي بالتوظيف)<<يعني بمجهودي بعد توفيق الله

اول ما تصدر الموافقه على الاستقاله اتوقع ابوي بيسوي عزيمه ما صارت
كله من الفرح انه رح يرجع السعوديه ويسكن في بيته طول السنه
مو شهر او شهرين والباقي سفر

من جد تعب الله يعطيه العافيه

حتى احفاده ما يشوفهم زين يشوفهم صغار
ويرجعلهم وهم كبار ويزعل مره لما مايسلمون عليه
لانهم ما يعرفونه
بس اللحين خلاص
كل شي بيرجع مثل ما كان واحسن
واحتمال نستقر بكندا<<لان ابوي تعود على العيشه برا
وانا الي رافضه
واتوقع بيغير رايه
لانوا عارف ان كل حياتي هنا
وهو كلها كم شهر ويتعود على السعوديه
وحياتها

لو صدرت الموافقه على الاستقاله
بحط نسخه من القرار بصفحتي في الفيس بوك
عشان كل الي هاجموني لاني بنت (فلان)
يعرفون انه استقال
ولو بيصير بينا تعامل ينسون ابوي بالمره