[LeLou]

المشاركة الأصلية كتبت بواسطة Majed7 هآآآي غآآيز .. أولـ شيء أهني صاحب الموضوع - أ. عصام ( مبرووك الـ 27 في آخر اختبار لك ومبرووك الـ 20 من 20 في الفرنسي ) .. وما شاء الله جودة درجاتك كـ جودة مواضيعك :) هوا الموضوعـ مفروضـ ينأخذ بتوسع أكبر من كذا .. لو مثلا فيه منتدى تعليمي زي هالمنتدى .. وتقريبا جميع الأقسام مختلطة - ومافيـ كلمة عوائل فيها - .. يعني الشاب راح يحتك بالبنت اللي حاط عينه عليها .. هوا راح يشوف طبايعها وأسلوبها وأخلاقها والعكس صحيح .. فـ طبيعي لو أرسل لها رسالة راح تكونـ لها نظرة مسبقة عنه والرد على الرسالة بالايجاب أو بالسلب أو بالسحب راح يكونـ مبني على نظرة البنت للشاب .. إذا كان إنسان محترم ومؤدب راح تكونـ ردة الفعل إيجابية .. وإذا كان العكس البنت ما راح ترد عليه أو تقولـ له الله يوفقك دور غيري ^_^ هذيـ كـ ردة فعل أوليــة على الرسالة اللي بتكونـ من هالشخص للبنت .. لكنـ فيه أشياء - منطقية - يعنيـ ممكن تكونـ عائق .. راح أعطيكم هيا على شكلـ أمثلة : 1- واحد مثلي - في المستوى الثالث - وقدامه 6 سنوات دراسة هذا راح ياكلها على وجهه من أولـ دقيقة .. أما واحد مثلا باقيـ له سنة عالتخرج أو سنة ونص يعني يكون الوضع أكثر منطقية :) 2- هنا في المنتدى تقريبا الكل بـ جدة إلا الطلبة المنتسبين .. يعني هنا ما راح تكونـ مشكلة لو واحد في جدة والبنت في تبوك مثلا - ولسى تدرس بالجامعه - راح يكون فيها عائق .. 3- وهذيـ أهم نقطة .. لازم يحصل تعارف وزيارات بين طرف من عائلة الشاب مع البنت - عشان يشوفونها وهلـ هي مناسبة لـ أبو الشباب - والعكس صحيح طبعا .. 4- العادات والتقاليد لها دور في هالموضوع .. ويمكنـ تكونـ البنت تنتمي لعائلة قبلية ما تتقبل هالطريقة في التقدم للزواج .. وخالي ما شاء الله عليه تزوج الشهر الماضي من بنت 220 ونحنا لا نعرفهم ولا يعرفونا - هذا الخال فيه خبث غير طبيعي - .. وعلى فكرة العائلة هذي ما يزوجوا بناتهم إلا لـ أقاربهم أو ناس من نفس القبيلة .. وهذا الخال من قبيلة حتى 55 مو 110 حتى - يتريق على نفسه هههههه - وسبحان الله كيف حصل نصيب الله أعلم يعني اللي أبغى أوصله - أحس إنيـ طولت - الدنيا تغيرت .. والتكنلوجيا لها دور في تغيير الوضع اللي كنا عليه من 10 سنوات .. اللي متأكد منه " لكلـ طريقة تعارف . طريقة إنهاء بزواج بشرط صفاء نية الطرفين " .. شفت وحدة بالسوق وأعطيتها رقم وكلمتوا بعض 3 سنوات .. تبغى تنهي الموضوع بالزواج يمديك :) وحدة بالمنتدى ردودها خقق وكوميدية ورمزيتها لا تزيدها إلا خقاقا .. الحل خققها أولا ثم أرسل لها - وفق الضوابط اللي قلتها فوقـ " يعني اللي في المستوى الأول ولا الرابع ولا الخامس يهجدوا شويتين في هالناحية " - .. وطبعا تقدر تنهي الموضوع بالزواج في حال ما تخققت البنت وذوي البنت :) شفت طالبة في المستشفى الجامعي .. متحجبة ومؤدبة وتعاملها مع الجنس اللي أنتمي له تعامل محترم ووفق الضوابط اللي تعجبك .. يمديك تجيها وتحط عينك في الأرض وتقولها ممكن رقم الوالد أو الوالدة لو تكرمتيـ وبالمختصر المفيد تبين لها إعجابك بأخلاقها .. وقتها بتلقى طريقة لو قلبك قلبها حفلة راب :) الـ butter : الإنسان يقدر يتزوج بكذا طريقة لو كانت نيتــه صافية وطموحه يتزوج البنت اللي حاط عينه عليها .. غالبا راح تواجهك صعوبات عدم معرفة العائلتين ببعضهم لكن بنت الناس راح تخليك تجازف من هالناحية .. وصح الله صيامكم ..

أول حاجة ترى أنا متجننة على صورة Kakarot تهبل ممكن أسرقها<< حرامية مؤدبة تستئذن قبل لا تسرق..

ثاني حاجة بصراحة إلى حد ما أقنعتني كنت أشوف الموضوع بالنسبة ليا مرفوض بنسبة 90% صار بنسبة 70%<< كثر الله خيرك..

المهم أنا كان سبب رفضي له عدة محاور: أول حاجة أنه أنا مستحيل تجيني الجرأة أقول لبابا شي زي كدا لانه لو شك فيا بصراحة ما ألومه لأنه اللي نسمعه من بلاوي الأيام هذي مو قليل..

ثاني شي أنا ما أضمن يجيني في يوم من الأيام ولد الحلال إللي اعجب بيا و اتقدم لي يقول لي إنت زي ما عرفتيني عرفت أحد قبلي و إنت واحدة فيك و يخطيك،، أنا أبغى كل شي يكون في السليم..
لأنه لو قال لي كلمة زي هذي ما أقدر أجلس معاه يوم واحد لأني مستحيل أتخيل عشرة مع شخص يشك فيا..
هذي قضية شرف و أخلاق أنا ما حافظت على عفتي عشان يجي يدنسها زوجي..
مستخيل أتخيل أبو عيالي ((أو حتى أبو عيالي مستقبلا)) يشك فيا مصيبة لو ذبحته و شربت دمه ما يشبعني أصلا ما حاقدر أطالع في وجهه..

ثالث شي أنه زي ما قلت في ردي إللي أول في ناس كثيرين جدًا شخصياتهم إللي تبان في ردودهم غير شخصياتهم الحقيقية شوف ردي رقم 135..
و زي ما قلت قبل أنا عندي مبدأ: Don't judge a book by its cover
و أنا أول واحدة ينطبق عليا هذا المثل..

رابع شي في نقطة جدًا مهمة: أنا ما أضمن لو في يوم من الأيام صار لا سمح الله شي بيني و بينه و رحت لأهلي يقولوا لي تستاهلي مو هذا اللي اخترتيه..
كيف أطالب أهلي أنهم يوقفوا معايا أصلا ما اتخيل المنظر أو اللي ممكن يحصل..
ساعتها لو صار و لا سمح الله اتطلقت منه كيف راح تكون نظرة المجتمع ليا اتزوجت واحد كانت تعرفه و اتطلقوا يعني أكيد كانت علاقتهم مو في السليم،، أو تلاقيها طفشت منه اتعرفت على غيره..
ممكن يقولوا طفش منها و اتعرف على غيرها..
أو بغض النظر أنا راح أسألك سؤال إنت لو سمعت عن بنت زي هذي حتى لو كانت صغيرة و في سن تقدر تتزوجها و ما عندها عيال و مطلقة من زوجها اللي اتعرفت عليه عن طريق منتدى هل راح تقبل إنك تخطبها و بكل سهولة..

أعتذر على الإطالة،، في النهاية كل واحد له وجهة نظر..