وعليكم السلام عليكم ورحمة الله وبركاته
عزيزتي كلامك جدا جدا جداغير منطقي ،اصلا انتي قاعدة بتعممي على الطب وكان التخصصات الأخرى منزهة عن الخطأ
مو شرط لو واحد عنده كدش يعني قليل أدب، مو شرط لو وحدة بتمزح مع صحبتها يعني بتقصر في المهنه ، مو شرط اللي يدرس او بتدرس طب يعني لازم ماترتكب أي خطأ، وبعدين انتي بتقولي انك مابتعممي، أي واحد رح يقرأ موضوع رح يحط في باله اللي يدرس طب او بيشتغلي في المجال الطبي بيسوي مصخرة وقلة أدب أو الاغلب على قولتك >>>>>> الاغلب او مو الاغلب برضك بتعممي
زي لو مثلا قلت "السعوديين مستهترين " صحيح انو البعض بيكون مستهتر وهذا شيئ طبيعي ولكن من طريقة الكلام يفهم بأن السعوديين أغلبهم مستهتر أو لو مثلا قلت "طالبات جامعة الملك عبد العزيز قليلات أدب" ...........الخ >>> أرجوك حاسبي على ماتقولينه
وبعدين لو تبغي تتكلمي عن الأمانه في العمل اتكلمي بس بشكل عام مو بس طلاب الطب، ولمن قلتي انو طبيبة كانت بتمزح مع موظفة في الاستقبال ايش دراكي انو دوامها ما إنتهي؟ ولمن طلبت من وحدة انها تعمل عنها ايش دراكي انها ماكانت بتمزح؟ زي لمن نقول لزميلاتنا يعملولنا الواجب بدافع الفكاهة
وموظفات الإستقبال من الأصل ماهم طب !!
في موقف حصلي في مستشفى فقيه انو موظفة الاستقبال دخلتني على طول من دون حجز بعد ماغابت اكثر من ربع ساعة تدور على الدكتور من دون انتظار عشان الألم الشديد ولا كان تقدر تطنش وتقول زيك زي غيرك بكل سهولة.
أنا لو كنت بأدرس طب لكنتي أسأتي الي ..
صديقاتي بيدرسوا طب ولم أشهد منهم إلا الخير وماشاء الله عليهم مجتهدين ومحترمين وشاطرين ومن أعلى الدرجات، وعلى فكره أنا أكثر من مرة رحت مستشفى الجامعة عشان بأتعالج هناك وأغلب البنات اللي هناك منقبين لاهم مبرجين ولا حاجة ، والأولاد أيضا محترمين جدا، ومافي لا قلة أدب ولا كدش ...
لو كنت بتدرسي طب أو متخرجة ، لكنت تقبلت كلامك أكثر وأكثر، لأنك بتكوني عايشة الوضع وكلامك بيكون عن خبرة ومو عشان سمعتيه من أحد !!!!
اممم طيب على أي أساس قلتي الموقف حق محل الإسكريم؟ ، لو في مستشفى صار الموقف كانت معكي انو لازم رقابة داخل المستشفى على حكاية الإختلاط ، والغلط بيكون أصلا من المستشفى ..
نعم هو تصرف مخجل ولكن لايعني أنه تصرف مخجل بصفتهم طلاب طب ، بل بصفتهم مسلمين يسيئون للإسلام يمكن لأي طلاب ينتسبون لتخصص آخر أن يرتكبوه.
أنا اتوقع انهم مخطوبين أو متزوجين ولازم مانسيء الظن بيهم مهما كان السبب ..
و ترى كلامك بيسيء لطلاب وطالبات الطب والخرجيين أيضا و من الممكن أن يرفعوا عليكي دعوة لإساءتك اليهم بصفتهم طلاب وطالبات طب>>>بتطبق اللي اخذته في الجامعة ههههههه ...دعابة دعابة
وبعدين كلامك مالة دخل بالطب ، هذا يعتمد على التربية ، موشرط لو واحدة تخصصت تمريض يعني خلاص رح تصير متبرجة
وعلى فكرة العديد من الممرضات مؤدبات ويخافون الله ولكن هناك من
يشوه بسمعتهم ، حتى أصبح تخصص التمريض منبوذ جدا ،وكل من دخله وكأنه دخل من أجل اللعب والإستهتار والتبرج بغض النظر عن شخصيتها الحقيقية، ولكن في المقالب نجده في الدول الغربية من أشرف المهن..
شكرا على غيرتك على اخواتك واخوانك المسلمين ، اكيد كل اللي قلتيه بدافع حبك لدينك ولوطنك
وكل عام وانتي بخير وبصحة وعافية