[بنت العسكري]

اهلا و سهلا فيكي يا دكتورة في جامعتنا
كلام اخواتي عن الاساتذة صحيح
و أنا الحمدلله اللي درسوني كلهم كانو كويسين في الخطتين (أ * ب)
و لكن مو انتي تختاري الاستاذة ..الجدول ينزل لك بأسماء الاساتذة
(الله يوفقك يااااارب و يدرسوكي أفضل الاساتذة)
و لكن في شغلة بسيطة انبهك عليها و هي انو لا قدر الله
و درستك استاذة من اللي يقولو البنات مو كويس شرحها
لا تحطيها في راسك و تقلقي ..لانو سبحان الله يمكن انتي
رح يعجبك شرحها و اسلوبها
يعني لا تحطي الاستاذة عائق في طريقك!!
لانو يمكن ما تقدري تحولي من استاذة لأستاذة ثانية
*وحدة من صحباتي مرررة تنكدت في الكيمياء تقول دكتورتنا مو كويسة و ما تعرف تشرح و و و
و ما قدرت تحول !!
قلت لها خلاص ما تقدري تحولي ابذلي مجهود في هذي المادة يعني ترجمي بنفسك كمان اذا تقدري روحي لمدرسة خصوصية
و بالفعل ما شاء الله عليها شدت حيلها و كانت درجتها في الاختبار أعلى مني!!!
مع اني كنت مع د.إكرام دانش!!!!!!!!
أخر شي ابقول لك عليه: انو منهج السنة التحضيرية نفس منهج ثالث ثانوي و لكن الفارق الوحيد انو بالانجلش ... وقفك الله و رعاك..//ترى اول مرة اسوي محاضرة هههه//العادة كلمتين و رد غطاها