[Radiology]

الله يختار لكم الخيرة الصالحة .. أنا ما راح أتكلم عن تخصص المختبرات لأني بصراحة ما عندي خبرة فيه .. وبالنسبة للوظائف كل التخصصات الطبية مطلوبة وبالذات في الفترة المقبلة حيكون في طلب على التخصصات الطبية بشكل كبير خصوصاً من يثبت نفسه في مجاله ..

عن طبيعه الشغل بعدين وانو احنا بس نعمل الاشعه !!! وما نشخص :(

فعلاً إحنا مو مسئوليتنا كتابة تقرير التشخيص .. إحنا مسئوليتنا عمل صورة بالأشعة بالشكل المطلوب وهذا بحد ذاته عمل ما أحد يقدر يقوم فيها إلا أخصائي الأشعة فقط ..

وهل صحيح ان دكاتره المختبرات معقدين ? ودكاتره الاشعه متساهلين ?

كيف متساهلين .. يعني متساهلين بالدرجات مثلاً .. أنا ما أذكر أني أو أي أحد من زملائي أخذ درجة مو من حقه .. وإذا كان على الاختبارات فهي على حسب الطالب ومذاكرته بعض الاختبارات أشوفها أنا صعبة وزميلي يشوفها سهلة والعكس ..

بما انك اشعه انا سمعت انو الشغل حيكون بس اني اجهز الاجهزه حقت الاشعه ويجي دكتور الاشعه يكمل باقي الشغل كلو امال احنا ايش فايدتنا :(

لأ لأ .. مو نجهز الأجهزة والدكتور يكمل .. لو نجهز أجهزة بس كان درسنا يومين وتوظفنا .. أخصائي الأشعة هو المسئول عن إجراء التصوير الطبي بالكامل .. إبتداءً من تجهيز الأجهزة ثم وضع المريض في الوضعية المناسبة وتأمين الحماية المطلوبة له ، ثم أخذ الصورة وتعديلها إلى الوصول لآخر خطوة وهي إرسال الصورة للطبيب .. وهذي المهمة يقوم فيها الأخصائي لحاله بدون تواجد الطبيب أساساً .. ولعلمك دراستنا تؤهلنا إننا نقرأ الصورة يعني احنا لما نطلع الصورة نقدر نشخص ونعرف إذا كان في مشكلة أو لأ وكثير من الأحيان وهذي أنا شفتها شخصياً يجي الطبيب يسأل الأخصائي عن رأيه في الصورة .. بس نرجع ونقول الدكتور هو اللي يكتب التقرير..

وبعدين الأشعة أوسع من كذا فيه مجالات أخرى للأشعة مثل العلاج الإشعاعي أو العلاج النووي وأيضاً إستخدام الأشعة أثناء العمليات يعني تصوير فلوروسكوبي مباشر ..