جزاك الله خير فارم دي اس على النصائح، حسستيني انو حناخد جبال من المعلومات، يلا، احنا مستعدين للتحديات باذن الله ؛)
انا من وجهة نظري، اشوف انو النظام الجديد لحساب المعدل بالنسبة لينا احسن. لان التحضيري اسهل سنة، فحرام يروح معدلها هباء منثورا، معظم البنات جابوا في التحضيري احسن من سنة تانية صيدلة وهذا الطبيعي، الفرق انو فيه اللي نزل تكة وفيه اللي نزل اكتر. وكمان لو لا سمح الله جات ظروف لاي احد في السنوات الاخيرة، فان المعدل النهائي ما حيتأثر مرة لو كان ع النظام الجديد، بعكس القديم. المساواة في السنوات،،كويسة بالنسبة لينا،اظن.
قتيبة، لا يخوفك د.كيف، ترى انا من المدافعين عن البايوكيميستري واذا من قلبك حبيتها، ترى تقدر تجيب فيها اعلى علامة، وترى باتكلم من جد. هادي المادة مثلا عندي احسن من الاناتومي بكثيييييير (والعربي =.=)
احس الناس بتخوف غيرها من البايو كيميستري حتى قبل ما يجربوها، اقولك طريقة فعالة عشان تحبها:
كل شي جديد تاخذه، ابحث عنه في اليوتوب واتفرج كدا كم مقطع حتحس انك فهيم وانك مع باقي العالم+ اقرأ ما اخذته اول باول(زي ما قالت اختنا)، حتفرح لمن تلاقي انك فاهم ايش بيقول
|
يقولك اكبر منك بيوم اعرفك منك بسنة ...
صدقني نظام تقسيم المعدل بالتساوي اكتر نظام ظلم الطلاب والحمدالله انو ما جا على سنتي والدليل على كلامي روحي اسالي اي بنت بسنة خامس وقولية النظام عاجبك
تاني شيء في مستشفيات البنات تاخد اقل شيؤ 96
تخيل لما تجيبي بسنة معدل فوق 4ونص وعليها 30% كيف راح يكون معدلك العام
وسنة خامس من اسهل السنوات وكتير بنات يجيبوا فيها امتياز
في ناس اتخرجت بامتياز وهيا عمرها ما جابت ممتاز طول حياتها بالكلية والفضل لله ثم لسنة سادس
بالنسبة للبايوكمستري صح القسم دا مرا كرية بس الواحد يقدر يجيب درجة
انا كنت اتفرج على الفديوهات وكمان كنت احل الام سي كيو مرا تفيد