 لصاحبة الموضوع معليش بس انا مو حابه ادخل في اي نقاش مع حضرتيك لانو واضح انك من النوع يلي يتمسك برايو ودا الشي لاحظتو من خلال ردوديك بس راح اجاوب على النقاط يلي حطيتيها عشان ماتنفهم انها نقطة ضعف مني اول نقطه كلمتي القذف والتشهير يلي مو عاجبه حضرتيك لو انتبهتي انا كنت كاتبة لحضرتيك وللاخوان خط تحت دي الكلمة ممكن تكوني ماانتبهتي ليها بس في رد كان فيلو قذف وتشهير بطلاب جامعة البترجي ورميهم بالزنا يعني هما ماراحوا للجامعة الاعشان الزنا ماراحوا عشان العلم استغفر الله ممكن عندك تفسير تاني لدا الرد مااعرف ممكن اصلا مايكون قذف شكليك افهم في دي الامور
النقطة التالته كويس اني ضحكتيك عملت خير يعني ولا يهميك مااتنصتوا
بس حابه اعلق على القصة يلي متمسكه بيها حضرتيك مو ملاحظه انو كل اعتماديك فيها على اخوكي اخويه قالي ماعم يتكلموا في امور الدراسه اخوكي قاليك يلي سمعو اخوكي قاليك انو عم يمشي وراها زي الخروف اخوكي يلي قاليك انو هي يلي التصقت بيلو اخوكي قاليك على المحادثة يلي من المفروض تكوني سامعتها طيب فين موقعك انتي وبعدين مو منطقي انو تعمل كل هذي الحركات قدام البيه يلي من المفروض يكون حبيبها في القصة وبعدين ايش المشكلة لو هي الي اخدت الطلب بنفسها ولاكان غرضها انو تلتصق باخوكي اكتر كلمة ادهشتني اتمنى اني اكون جاوبت على النقاط تبعتكي مزبوط
وعلى حكاية الشريعة طبعا انا معاكي انو الشريعة يلي تحكمنا بس لاتنسي انو في اختلاف في المذاهب (المذاهب الاربعة) وطبعا دا الاختلاف بياثر على طريقة التربية والاختلاف دا سبب مشاكل كثيره في مجتمعنا وارجع اقول انو لكل عائلة اسس في التربية قائمة على مرجعها الديني بس نصيحة ليكي ولغيرك لاتقيمي الناس قبل ماتقيمي نفسك انا ماراح ادخل باي جدال تاني معاكي لانو الرسول صلى الله عليه وسلم امرنا بترك الجدال ولو على حق ارجع للقصة يلي هيا اصل الموضوع اذا فرضنا انها كانت صح وانك مااساءتي الظن بيها كان الاولى انك تنصحيها وتكسبي حسنة فيها وفي نفسك بدل الاصرار على وصفها بقلة الحياء برضك دي البنت ممكن تكون عند ربنا احسن مني ومنك ولاتنخدعي بالمظاهر ياما اغترينا بمظاهر ناس بس انصدمنا والسلام
|
السلام عليكم ورحمة الله وبركاته
طبعاً بما أني صاحب الرد إلي فيه حكاية البترجي لازم إني أرد واضح يا أختي إنك فاهمة القذف والتشهير غلط يا أختي لما أقلك هنا في السعودية تضبط جماعة الأمر بالمعروف والنهي عن المنكر الكثير من حالات الزنا هل معنى ذلك إني قذفت وشهرت بأهل السعودية ؟؟؟؟!!!!! فأنا اللي قلته أنه ضبطت في البترجي حالات زنا هل معنى ذلك إني قذفت طلاب البترجي ؟؟!! إذا كان فعلاً هذا قذف أعطيني أسماء اللي أنا قذفتهم أو شهرت فيهم . وبعدين يا أختي لما تقولي : يعني هما ماراحوا للجامعة إلا عشان الزنا . ما أدري إش تقصدي لكن إذا فهمتي من ردي إني أقول أنو طلاب البترجي ماراحو الجامعة إلا عشان الزنا فأحب أقلك إنو مافي أي شيء في ردي يدل على كذا
أنا مع الأخت صاحبة الموضوع هيا كل مافي الأمر إنها شافت تصرفات وسلوكيات سيئة وقاعدة تعلق عليها فا أنا ماأدري إش المستفز في موضوعها وبالنسبة لما تتكلمي على المذاهب الأربعة أنا ما أدري إش دخل الإختلافات بين المذاهب الأربعة في الموضوع يعني هيا ذكرت ملاحظات وقصة فيها سلوكيات خاطئة شرعاً بالإجماع في المذاهب الأربعة يعني مافيه مذهب يقول إنه الكدش حلال ولا مذهب يقول عايدي البنت تجلس مع ولد ويدردشوا هذي أشياء محرمة ولا شك في ذلك وترا حتى لو كانو مثلاً يتناقشوا في الدراسة هذا شيء محرم وبالإجماع وشيء آخر لما تقولي أنا راح أترك الجدال يبدو إنك أيضاً فاهمة الجدال خطأ ترى إحنا نتناقش مو نتجادل والفرق بين الإثنين كبير جداً فإذا إنتي تكتبي وإنتي تعتبريه جدال إحنا نعتبره نقاش
وبالنسبة للإخوان اللي يقولوا الكدش حرية شخصية وماأدري كيف ياأخوان لا تتأثروا بالكلام اللي تسمعو في التلفزيون والإعلام فيه شيء لازم نفهمه إحنا مو زي المجتمعات اللي برا تعتبر مثل هالسلوكيات حرية وليست خطأ لإننا وبإختصار عندنا دين يبين لنا إش هوا الصح وإش هوا الخطأ والكدش والكثير من السلوكيات مثل الطيحني والإسكني وغيرها محرمه شرعاً لأسباب كثيرة بإمكانكم البحث عنها وإللي ربي بلاهم بمثل هذي الأشياء لا يتكبر ويقول حرية ومادري كيف بل عليه إنه يستغفر ويدعي ربه بالهداية والصلاح
وآخر نقطة أنا أحيي أختي صاحبة الموضوع وأهنيها على هذه الروح وعلى هذه الغيره على دينها وطبعاً للأسف هذه الأخطاء لا تقتصر على طلاب الطب إمكن كانت واضحة في الدكاتره عن غيرهم إنهم أنحطوا في بيئة مختلطة وهي بيئة المستشفى يعني لو كان في الهندسة مثلاً إختلاط أو في أي تخصص ثاني راح تلقى نفس الأخطاء من البعض وإمكن أكثر .
والسلام عليكم