[Dina-s-b]

على اساس دا الشي بس على طلاب وطالبات الطب؟؟؟
الموضوع مالو علاقة بدراسة او بأي حاجة..في ناس لسة فالثانوية والمتوسط وبتشوفي منهم هادي الاشياء..!!
مافهمت السبب فالطرح صراحة ولا اقتنعت باسبابك على انو تركزي فطلاب وطالبات الطب..؟؟!!
ايش دخل انو المهنة يبغالها تركيز فانو البنت بتاكل ايس كريم مع ولد؟؟؟؟؟؟؟؟؟؟ عسى راحت اكلتو وهيا بتسوي العملية؟؟
هيا البنت ما احكم على اخلاقها وما ابغى اقول مو متربية بس هيا الغلط فيها مو فدراستها..!! لو رحتي اي كوفي ممكن تلاقي بنات ما بيدرسو اصلا ومع اولاد..!! وبيعملو اشياء اسوأ..!!
وازا الدكتورة جالسة مع الموظفات وبتتكلم وبتمزح..!! ترى الدكتورة بشر وبتتكلم وتمزح مع زميلاتها فالعمل ولا ماعمرك شفتي مدرسة تمزح وتتكلم مع باقي المدرسات؟؟؟؟؟؟؟؟؟؟؟ وجهة نظرك انتي حصرتيها على الطب عشان انتي حاطة فراسك انو بس الطب لكن الواقع ان اللي شفتيه موجود فكل مكان وفكل التخصصات..
وكون الطب يبغالو جهد فاكيد هما وقت الدراسة والعمل مجتهدين ولا ما كان استمرو فالعمل والدراسة لكن وقت اللي فاضيين كل واحد بيتصرف حسب اخلاقو وتربيتو..ازا تبغي تحكمي احكمي على الاشخاص حبيبتي مو على المجتمع او المهنه =)..كلامك نهائيا مو منطقي وانا اتوقعت اشوف اسباب مقنعة اكتر لكن للاسف الاسباب اللي قلتيها مو بس فالطب تلاقيها =)