[Life as Game]

باااك ,,جينا من الطايف والطايف رخا ,,
والساقية تسقي يا سما سما..
دشرررة
واللهي اجواء خيالية ..غيوم وجو ابرد بشكللل

اني واي ..حقول ايش صار معانا ..
بعد ما جمعنا اكبر عدد من المطاوعة ..جلسنا نسوي فرز للأحسن وطبعا كانوا مطاوعة الطايف من القائمة ..
ودينا صاحبي لواحد هناك يمدحوه مرة وخلاص حيستمر معاه ان شاء الله ,,
المسكين اتاري عندو بلاوي الله لا يوريكم ,,
المطوع يقول عندو عين من عمرو 16 وهيا السبب في مرض السكر اللي جاه
وبما انو جاي متأخر ما حيقدر يبعد عنو مرض السكر لكن المصيبة التانية انو دحين حيجيه مرض القلب بعدها ..الله يحميه
حسب كلام المطوع لو استمر في العلاج حيتوقف المرض التاني ان شاء الله ,,
والله كنت دايماا اشوفو يدوخ علينا ويرتفع عندو السكر ومشاكل مع اهلو دايما وفي الدراسة ,,الادمي شيّب وهوا لسى في التانوي ,,
ما خطر على بال احد انو فيه عين و تنخر فيه يوم عن يوم
لا احد يقول ما رحتوا المستشفى والا حاجة ..لانو كان اسبوعيا هناك ولا فادوه بشي,,
يادوب ابر انسولين وبس ,,
ما كنت حاقول لكم القصة بس ما حبيت احد منكم يحس انو ضيع وقتو يجيب لي الارقام ,,
وكمان ابغاكم تدعوا ليه عالاقل يستمر في العلاج والله بالقوة وبعد ما كنت حاتضارب معاه عشان يروح يتعالج ,,
بالله ادعوا ليه .,هوا اعز اصحابي واقدر احلف ما احد يلاقي زي الادمي دا ..

المشاركة الأصلية كتبت بواسطة أم سما انت اقرا على نفسك ، الشفاء في القران مو في اللي يقروا بعدين لما انت تقرا على نفسك يكون قلبك حاضر وحاس بمعاناتك وتعبك زي لما احد يقرا عليك ومايعرف عن تعبك شيء.. وبدون ما تدفع ولا ريال وانتي في بيتك وغرفتك امسك المصحف واقرأ البقرة وخل لك ورد يومي تقرأ من القران..

صادقة والله ,,
بس ادا عليا انا حالتي ولا شي ,,ولا اعتبر انو فعلا فيا عين ,,
بس راح امر على اكتر من مطوع عشان اتأكد ادا فيا حاجة فعلا ,,
ولو طلع شي لا سمح الله راح اقرأ على نفسي وبس ,,
الله يديك العافية

المشاركة الأصلية كتبت بواسطة سنفورة موت يالله حتى انت فيك عين يالله ربي يشفيك حسبي الله على هالناس اللي ماتعرف تقول ماشاءالله اعوذ بالله هالناس صايره حسوده بشي ماتتخيل لاحول ولاقوه الا بالله اهم شي التحصين لاتنسآآه والله صرت متهاونه فيه استغفر الله ربي معاك اقول ماقربكم مسجد روحوا للامام يقرا عليكم غريبه مافي شيوخ يقروا ببلاش .. يالله ربنا معاكم وهو اقوى من كل عين خيتك ^_*

يا اوختي ما فيا الا العافية ان شاء الله ,,
هوا صحيح صاروا الناس حسودين بشكل رهيب ,,بس احنا اللي تركنا ليهم فرصة
اذكار الصباح والمساء ما اقولها ابدا ودا اكبر سبب وجيه ..
فضلا عن ندرة قراءة القرآن ..
الحقيقة انو الاهمال مني ,,الله يغفرلنا بس ,,

المشاركة الأصلية كتبت بواسطة حلاها زايد الشيخ عايش ويجي للبيت والفلوس اعتقد انه اللي تعطيه ياخذه 0562482533

الله يديك العافية ,,
ماقصرتي

المشاركة الأصلية كتبت بواسطة صقر الشمال مافي شي بلاش مع ارتفاع الاسعار حزروو -- لاتطب ف واحد مشغوذ والعياذ بالله هههههههههه

ههههههههههه من جد ..
صاحبي الله يعينو العلاج لحالو 300 ريال ..

المشاركة الأصلية كتبت بواسطة الوردة الموفية أسأل الله العظيم رب العرش العظيم أن يشفيه ويشفي مرضى المسلمين أجمعين

امين ,,جزاك الله خير

المشاركة الأصلية كتبت بواسطة سكووت غبااااااار , من زمان عنكـ صراحة ماعندي طلبكـ , بس جيت اقولك بجد هم شريرين ما تدري ايش عملو فيني اهئ اهئ بهذلوني بهذلة الاسبوعين اللي فاتت عشان رأيي مو زي رأيهم و اكلوني اكل من كل النواحي الفكرية و الاجتماعية و العاطفية عشان بس قلت رأيي الموقر و ين بلوكاتك اضربهم بيها

ههههه
ايش اسويلك يا اوختي ,.انتي اللي باع حقون الوناسة وراح عند اهل الساحة
تستبدلين الذي هو ادنى بالذي هو خير ,,هاهاها
من بعد ما سبتي الوناسة صاروا اهلها يغنوا اغنية ابو نورة,"يا كيف بعت اللي بروحه يداريك ..وانتا مريح البال ليلك ويومك "
ههههـ(عطني الرومي)ـههههه
بعدين بالله عليك ما توبتي من السنة اللي راحت لما علي عسيري يبغى يدخلك مجلس الشوى وكلهم وقفوا ضدك وحرموك منها .؟
على فكرة شفت اللي صار معاك وكنت راح اطب معك واحوسهم بس والله اني عارف راح اجيب العيد
فضلا ان فيصل مستقصدني
قلت ياراجل مادام ما تابت من المرة الاولى حتتوب من المرة التانية ,,
بعدين ..بالله انتي من جد ناوية تقولي رايك ,,
خوديها مني وريحي راسك ,,ثقافة الرأي الاخر عندنا معدومة
فضلا ان اي واحد يتكلم بخارج العرف يعتبر مجرم حرب وصاحب مشروع تغريبي ..
ههههـ(ابتعدوا لا ابتغي الجاهلين)ـههههه
حياك ,,

المشاركة الأصلية كتبت بواسطة cooola من أول ما شفت موضوعك .. قلت ما رح أرد إلا ومعي الخبر الأكيد .. كان فيه شيخ قرأ على أمي قبل كم سنة اسمه سعد الزهراني .. سألت دادي عنه قال بطل يقرأ من بعد أمك وقلت له ما تعرف منا ولا مناك .. قال لي أشوف لك يا بنتي .. وجحدني لو لقيت من عنده شيخ يقرأ بـ بلاش .. جبت لك الرقم وما ترى باس أنت وصديقك ..

ههههههههه
جيدة حركة خلاص بطل قراءة ,,
فاكر زمان وانا صغير في الابتدائية ,,قال مدرسنا
مين اللي عندو مقص ؟؟
قلت انا ..
قال هات
قلت عندي بس في البيت

طبعا كنت اتكلم بكل جدية

الله يجزاك خير ,,خلاص استقر صاحبي على الافضل الحمدلله
وان شاء الله يكون احسنهم ,,
نورتي


_______

جزاكم الله خير وما قصرتوا والله ,

بس لا تبخلوا على صاحبي بالدعاوي ,,الله لا يبلاكم بما ابتلاه