[MeeNo92]

المشاركة الأصلية كتبت بواسطة h7nen امممممم حبيبتي دكتوره مينو اسمعي انا حجيب 3 شنط كبيره بس لبسي واغراضي وكمان حجيب نشاره هذه تبع الملابس اللي تنشري فوقها مسموحه وراح اجيب غلاية مويه وطابعه ولابتوبي وباقي الاغراض شوفي الاغراض اللي قلتها ممسموح فيها ولا لا امممممممممم الميوه الاسلامي هذا كيف شكله ؟!؟!؟! اعرف الميوه الطويل الين الركبه طيب باصات السكن توصلني وترجع تاخذني ولا اتمرمط بالحر والشمس طيب اممممممم كيف اخذ غرفه لوحدي عشان ارتاح غير كذ كتب التحضيري والملخصات والحجات هذه من فين اجيبها في السكن ؟!؟ ادري طولتها وتعبتك معاي بس وربي خايفه طيب البنات طيوبات ولافي حركات نص ونص <<>>> فهمتيها دي هههههههههههههه اذا تذكرت سؤال راح ارجع لك مشكوره

لا مافي من اللي قلتيه مو مسموح, بس اللي اتذكرو لازم الأجهزة تكون 110 مو 220 عشان يخلوها تدخل

ولو ما دخلوولك الغلاية, في في البقالة يبيعو غلايات, انا اشتريت من هناك

المايو ايوا هوا اللي للركبة

ايوا الباصات تروح وترجع للبوابة, بس لازم يكون معاكي بنتين كمان عشان يتحرك الباص, ما ينفع تروحي لحالك

بس ترى البوابة عبارة عن زي غرفة كبيرة, وتكون مكيفة فحتى لو استنيتي ما حتستني في الحر

غرفة لحالك انتي وحظك.. انا الحمدلله انحطيت بالحظ في غرفة لحالي..

بس إذا لقيتي معاكي روم ميت, تقدري تدوري على غرفة فاضية تنقليلها إذا كان في

الكتب كلللها تلاقيها في مكتبة "خوارزم" اللي جوا الجامعة, اما الملخصات فأنا كلها نزلتها من النت, حينزلوها البنات أو الأولاد هنا في المنتدى.

وإذا مرة ما لقيتيها على النت, أكيد حيكون في بنت تطلع وتجيب الملخص وتحطو في مكتبة السكن, والبنات يروحو يصوروه من هناك

أنا الحمدلله ما قد انسرق حاجة, وعادة ما تنسرق أيام الدوام.. هما عمال الصيانة اللي يجو في الإجازات هما اللي احياااانا يسرقو.. فـ وانتي خارجة اجازة اتأكدي انك تاخدي معاكي الأشياء اللي ما تبغيها تنسرق..

هههههههههه بالنسبة للبناات أكيد حتلاقي بعض البنات نص ونص على قولتك

في أي مكان حيكون في ناس كويسين وناس لا

إنتي بس اتأكدي انو الشلة اللي تكوني معاها تكون كويسة, وصدقيني معظم بنات السكن طيبات

مرررة لا تتردي في السؤال يا قلبي, انا زيك السنة اللي فاتت جننت بنت جامعتي بالأسئلة