[Dr.Passed]

المشاركة الأصلية كتبت بواسطة Eng.SouL شوفي يا دكتورة

المشاركة الأصلية كتبت بواسطة Eng.SouL خليني أتكلم بصراحة وما أعتقد إنك راح تزعلين مني أبداً أنا مصدق إن التسكين ما نزلك وما شكيت في أي لحظة لكن مواضيعك والأفلام الهندية اللي تسوينها في كل مواضيعك مالها داعي أنتي الشخص الوحيد اللي إذا شفت موضوع له أتنرفز لأنه لازم يكون يحتوي على مخالفة وانا اقولك اني نادر ما أقرا موضوع لك، كنت أدخل وعلى طول أكتب عنوان مخالف وأطلع وأنتي ماخذة راحتك لأن المشرفة ماهي من طلاب التحضيري فصعب عليها تكون متواجدة بكثرة عشان تقفل مواضيعك المخالفة لكن عموما.. اللي فهمته منك إنك شاطرة وممتازة وكنتي شادة حيلك لين ما إنقطع ألحين ويوم ما نزل التسكين قفلت الدنيا بوجهك، واللي فهمته إن موزونك يدخل موازي اوكي شي حلو، ألحين ماني فاهم وين المشكلة بالضبط، التسكين دام انه ما نزل لطالبات كثير يعني مشكلة جماعية وراح تنحل ان شاء الله بعكس لو ان المشكلة فردية كانت بتكون جدا معقدة لو انسدت نفسك عن الجامعة وما تبين تكملين فيها، عسى عمرك ما كملتي فيها ترى والله ما يحتاج هالإزعاج، أعتقد إنك جالسة تناقشين في الموضوع لأن عندك رغبة صغيره في البقاء بالجامعة أو يمكن بس ناوية تلفتين الإنتباه عموما بغض النظر عن الهدف من فتح الموضوع حاب أقولك ان اللي قاعد يصيرلك هذا شي عادي جدا في طلاب كثير لهم مشاكل أكثر من مشاكلك الان معدلك يدخلك موازي ومسوية رجة، كيف باقي الطلاب اللي قبلوهم في كلية العلوم وطموحهم الطب شوفي يا بنت الحلال انا كان حلمي من الطفولة إني أطلع أدرس هندسة في الخارج، وما عمري فحياتي تخيلت نفسي أدرس هنا، أي واحد يجيب موضوع الجامعة كنت أتخيل نفسي في امريكا او بريطانيا (بعدين كرهت أمريكا كره كبير وبطلت فكرة الدراسة فيها وكان هدفي بريطانيا) والموضوع هذا كان مسيطر علي، ما أصدق متى أتخرج من الثانوي عشان أدرس الجامعة برى، وكنت مجتهد كثير في الثانوي وأذاكر كل يوم ومواد كثير ومنها الرياضيات جبت فيها ١٠٠ من ١٠٠ وكنت دايم أدخل موقع وزارة التعليم العالي أشوف شروط الإبتعاث وكانت ٩٠ في الثانوي و٧٠ قدرات والتحصيلي كان مطلوب للتخصصات الطبية فقط وأنا بأني أبغى هندسة فالتحصيلي مو مطلوب مع ان درجتي فيه كويسة عموما في الاختبارات النهائية لثالث ثانوي كنت ادخل موقع البعثه كل يوم اشوفه وادخل في احلامي في نص الاختبارات ادخل واتفاجأ إنهم كاتبين فقط للتخصصات الطبية، كانت صدمة لي وحسيت إن كل شي حولي تكسر واحلامي كلها انهارت، ما كنت أبغى أسجل في الجامعة لكن أبوي جبرني وكان يجبرني إني أداوم كل يوم وكلمته أكثر من مرة إني أسحب ملفي لأني ماني قادر أكمل أو أداوم كنت أحس إني أموت كل ما اروح، لكنه قالي إذا كنت تبغى رضاي كمل في الجامعة وانجح اكمل في الجامعة اقدر احاول فيه لكن النجاح كان جدا صعب لاني شاري كل انواع الملخصات بس ماقدر اذاكر شي، حاولت اجبر نفسي في صباح الاختبار، لان اختبارنا في الظهر فانا كنت اذاكر بالصبح لين وقت الاختبار ونقدر نلغي وقت اللعب + وقت الاكل + وقت الاستراحات بالاخير ما يبقى الا ساعتين مذاكرة، فالحمدلله قدرت إني أنجح بمعدل ٣ من ٥ والى الان مادري كيف نجحت، توفيق من ربي وبعد نهاية الترم الأول حسيت كم أنا مثير للشفقه وكيف كنت وكيف صرت وان ما كان مقدر لي السفر فما يصير أضيع مستقبلي عشان مجرد حلم ما تحقق، القناعة كنز لا يفنى مع العلم إني كنت بسافر أكثر مرات كثيرة للدراسة خلال السنة على حسابي لكن كل مرة تصير ظروف وتتأجل أكثر (مع اني مقدم قدمت عالفيزا في الترم الثاني واوراقي تمام) في بداية الترم الثانية قررت إني اجتهد والحمدلله جبت درجات جدا ممتازة ورفعت المعدل بشكل كبير وانقبلت هندسة في الفرع الرئيسي، والان انا في بريطانيا سافرت اخيرا مع الرغم ان فكرة السفر بدت تتلاشى الى ان جاني ابوي وقالي بعد ما خلصت اختبار الرياضيات النهائي ان كل شي تمام وفيه قبول من المعهد والحمدلله وبكرة راح تسافر، سافرت وبدأت دراسة وعندي قبول جامعة في جامعة مانتشستر بالتخصص اللي أبيه لكن هذا جاني بعد ما ضيعت سنة من حياتي وانا من اول ما دخلت الجامعة وانا عارف ان بيجي يوم اسحب عليها واسافر السنة هذي استفدت فيها كثير كثير سواء من لغة او تجربة او اصدقاء انا ما كتبت كلامي هذا عشان أقول إني عشت لحظات صعبة ومن هذا الكلام لا بالعكس، وأنا متأكد إن فيه طلاب كثير عندهم ضغوطات نفسية كبيرة ومروا في حالات اصعب وجالسين وهذا اللي خلاني اتجاوز الحالة اللي مرت فيني ومع اني مريت حالات نفسية صعبة الا اني كنت دايم ادخل المنتدى عادي واتعرف عالاعضاء وأنكت واستخف دمي احيانا وما قد سويت فلم هندي سواء في المنتدى او في البيت او عند اصحابي (صحيح ما يمنع ان الواحد يقول جملة من القهر لكنها تعدي على طول) صحيح اني طولت لكني من جد ما كنت ابي اقول هالكلام لكني اضطريت عشان اطلعك من الاشياء اللي انتي عايشة فيها الحين بالاخير ابغى اقولك ان معروف الجامعات الحكومية افضل بكثير من الاهلية، واذا تبين نصيحتي كملي هنا والطب في الخارج ما يستاهل لانك بتجلسين ٧ سنوات وهذي مدة طويلة جداً لأن السفر للتمشية مع أهلك شي وإنك تسافري دراسة بدون اهل شي ثاااااااني وابي اطلب منك طلب.. تكفييين لا تحطين مواضيع مخالفة مرة ثانية والله يوفقك وين ما رحتي

قريت و قريت وقفت عند كلمه "عسى عمرك" ووقفت اسلوب ماشاء الله
I'm glad you got a chance to share your story with the world

now..bye