[د.كلي اشراقة وطموح]

بنات سيبوكم من السكن الخارجي في التحضير هو صح ما نخرج الا بوكيل وحركات زي كدا بس مدام انكم تحضيري فلازم شي يحبسكم
لايروح بالكم بعيد بس انت لمن تكوني في السكن الجامعي وماتقدري تطلعي فراح تشغلي وقتك بالمذاكره ومشاء الله تقريبا 700 بنت او اكثر مره حتستفيدي من خبراتهم حتلاقي مره كتير بنات تحضيري وكل وحده في شعبه وكلاس غير فتاخذي معلومه من دي ودي وابدا مافي شي ينقصكم كل شي عندكم حتى الصرافه لازم تقابليها كل يوم غير العياده 24 ساعه يعني مو مقصرين وبعد التحضيري اذا ما نسبكم الوضح حولو
وصح نحن وامثالنا من المتخصصين عملينكم حجات وحركات حلوه بدايه السمستر صدقوني حتنبسطو ونهاية السنه قابلوني ونشوف