[MeeNo92]

المشاركة الأصلية كتبت بواسطة first lady :( شلون يعني اجلس في ججده سنتين ؟! يعني قصدك لما اتخصص في المجال الي ابغاه لازم اخلص فيه سنه وبعدين اقدر احول ؟! <~ بتبكي خلاص حالتي حاله والله :( وحتى السكن محتاره فيه !

يب التحويل يكون بعد سنتين

شوفي حبيبتي, انا كنت في السكن طول التحضيري

بس دحين بعد ما تخصصت طلعت منو وبإذن الله مع بداية السنة حكون في سكن خاص

السكن حلو.. بس لازم يكون فيكي زي ما قالت وحدة من البنات صفة "التكيف"

لو إنتي متعودة على الطلعات والخرجات, راح تتعبي شوية

أنا متعودة اطلع مع صاحباتي وقريباتي كثير, فتعبت صراحة

عشان كذة في النهاية طلعت سكن خاص

بس الميزة انو حتلاقي بنات كثيير من التحضيري.. يعني من جد نص بنات السكن تحضيري

وفي نفس الوقت حتلاقي بنات اكبر منك وتشوفي التخصصات وتاخذي من خبرتهم


هوا بس الشي اللي كان يضايقني شعوري بالمرااقبة.. في أمن في كل مكان.. وكثير اشياء ممنوعة..

بس تتعودي بعد فترة إن شاء الله

وإذا عندك أي اسئلة لا تترددي