كيفكم صبايا
انا اخدت الكريتيسزم الترم اللي راح واحس اني فاكره كل شي
لا تخافوا يابنات صح دكتوره سهام تحب الايساي بس والله تراعي في الاجوبه
ترى الماده مو مره صعبوا لا تقلقوا
بس ركزوا في المداكره على الملزمه الصغيره احفظوها صم وبعدين ارجعوا للكتاب الكبير
لانها يدوب تجيب منه كوتيشن والشرح حيكون من اللي حفظتوه من الملزمه
والكوتيشن اللي تجيبها مررررررررررررره واضحه وسسسسهههههههله ومعرووووفه
وتبغوا الصراحه انا عمري ما فتحت الكتاب الكبير كنت اركز ع الملزمه واعرف كل
واحد اش نظريته واشرحيها بفهمك
بالنسبه للكويز الاول كانوا معانا التلاته بلاتو و ارسطو ولونق جاينس
السؤال الاول قارني بين ارسطو و بلاتو
تكتبوا نظرياتهم و ردة فعلهم للشعراء والشعر عموما
السول التاني تعرفي السبلايم و تكتبي عيوبها التلاته ومصادرها الخمسه
طبعا في كل جواب لازم تكتبوا اسم الكتاب وتحته خط واسم الناقد وبعدين تكملوا الاجابه
السؤال التالت كان كوتيشن اللي فيه الكلمه الفرنسيه حق ارسطو اظن صفحه 19
طبعا تشرحيه وتكتبي نظرية ارسطو وكل شي تعرفيه عنه
السؤال الرابع كان برضو كوتيشن بس والله ما افتكره
كان كل سؤال عليه 5 درجات
وربنا يوفقكم
وادا تبغوا اي شي انا في الخدمه