[شهرأيلول]

المشاركة الأصلية كتبت بواسطة نور العسل شهوده الخيره من الله مشكوووووووووووووره

اختي حاولت ارد عليك بالرسائل بخصوص قسم اداره مستشفيات لكن عدد مشاركاتي اقل من 100
ولا اقدر ارسل لك ,, عموماً


من اهم المميزات اداره المستشفيات هو الكادر الصحي هذا سلم رواتب خاص للموظفين الفنيين والاخصائين والصيادله (بكالريوس) والاطباء
يعني اي ممارس صحي يكون على السلم هذا ,,,

من مميزاته الرواتب الحمد لله كبيره جداً مقارنه مع السلم العام للوظفين .. يعني الممرض (دبلوم وليس بكالريوس) اول راتب له تقريباً 8100
هذا يساوي راتب موظف عام خدمته تقريباً 10 سنوات ..

بالنسبه لتخصص ادراه مستشفيات هذا تخصص جديد تقريبا من اربع سنوات فقط او اكثر قليل .. ويعتبر قسم مطلوب بوزارة الصحه وغالبية المتخرجين الان هم من حملة الدبلوم العالي وليس البكالريوس ..

خريج البكالريوس مثل جامعة الملك عبدالعزيز يتعين على اخصائي وراتبه يكون اعلى من خريج الكلية الصحيه المتوسطه حملة الدبلوم


صرااحه ما اعرف مستقبل القسم بالنسبه للبنات لكن للاولاد انصحك فيه وبشده .. وهذا مايعني ان البنت مستقبله مو زي الولد لكن صراحه ماعندي خلفيه عن مهامها الوظيفيه ,, ولا اتوقع فيه فرق مادام كلها تابعه لوزارة الصحه او ديوان الخدمه المدنيه ..

المشكله الاولى الان فيه توجه لوزارة الصحه يكون جميع موظفينها الجدد يعني الخريجين الجدد كلهم على التشغيل الذاتي طبعا يكون على شكل عقد مع وزارة الصحه وليس على ديوان الخدمه المدنيه
لكن انتي بأمكانك تقدمي على الديوان خاصه ان القسم جديد اكيد فيه ارقام شاغره كثير عكس تخصص التمريض الدبلوم مثلاً



وبالنسبه للقسم الثاني تخصص نظم معلومات ماعندي اي خلفيه عنه
لكن اهم شي لازم تتأكدي منه هل هو على الكادر الصحي او لا ( ولا اتوقع انه على الكادر الصحي ابداً ) لان مسماه ادراي وليس صحي
لانه من الظلم يكون معك بكالريوس وتكوني على السلم العام الراتب يكون قليل ..

في المنتدى فيه قسم خاص لكل تخصص بامكانك تبحثي فيها وايضا فيه الاخ زكريا عسيري بقسم اداره مستشفيات عنده معلومات عن القسم وايضاً فيه مواضيع له مثبته بالقسم عن المستقبل الوظيفي لادارة مستشفيات ...

انا ممرض وخدمتى بوزارة الصحه تقريباً 8 سنوات والحمد لله
وسجلت السنه هذي انتساب وراح ادرس اداره مستشفيات
لان الشغل فيها مريح جدا جدا جدا مقارنه مع باقي الاقسام الطبيه الاخرى من تمريض او صيدليه او مختبرات .. لانك لا تتعاملي مع المريض ابدا كل شغلتك اوراق واداره ولكي نفس مميزات باقي الفريق الطبي

القسم هذ جديد وكثير من الناس يجهلون مستقبله الممتاز .


بالنسبه للمسمى الوظيفي يكون اخصائي اداره مستشفيات
طبعاً بعد التخرج لازم تختبري بالهيئه السعوديه للتخصات الطبيه
وتحصلي على تصنيف للشهاده وبطاقه وبعدها تقدري تتوظفي على الشهاده ..

والراتب اول مربوط 8614.3 الى 8987.4
وبعد خدمة 10 سنوات يكون 12820.55 او زياده قليلاً بـ 400 ريال
واخر راتب بعد 28 سنه تقريبا يعني عند التقاعد 24021.45

من مميزات الكادر الصحي ان الترقيه مضمونه كل اربع سنوات
يعني مافيه تطويف (تأخر) بالترقيه زي السلم العام ممكن يجلس الموظف اربع الى 8 سنوات ما ترقى .

وايضاً العلاوه السنويه ممتازه جداً تبدا من 400 الى 600 على حسب المستوى ..

بالمختصر المفيد الكادر الصحي ممممميزا جداااااً بالنسبه للراتب والمميزات .. وكذالك البدلات بدل ندره يصر للاخصائي 10% تقريبا ...

انا انصحك بالقسم ,, وكذالك بامكانك زيارة ملتقى منسوبي وزارة الصحه .. او منتديات وزارة الصحه في كثير من المعلومات عن القسم .

بالتوفيق لك ان شاء الله ولـ اخوكـ
واي استفسار انا موجود ولا ابي منك الا دعوه في ظهر الغيب و بالصحه والعافيه لي و لوالدتي وجميع المسلمين ...


اخـ ي/تي صاحب الموضوع الاساسي اسف ربما مكان ردي غير مناسب لكن للضروره احكام (: