[•♥fŗŌồtą]

،، المقبلاتـ ،، اول شي ،، بطاطس تشيليز المهروسهـ المقادير ،، 4 حبات بطاطس وسط ( ملح ، فلفل اسود ، شطه سائله ، مكعب ماجي ) مقادير الصلصه ،، ربع ملعة زبده جامده اقل من ربع فص ثوم مهروس علبه صغيره كريمة خفق بودرة فلفل حار او حلو // الطريقه .. نجيب مويه في قدر ونحط فيها الملح والفلفل والماجي والشطه السائله ونحط فيها البطاطس ونغطيها امكن تحتاج من ساعه الى ساعه الاربع عشان تستوي في ذي الفتره نسوي الصوص نحط الزبده ونذوبها ونحط معاها ربع فص الثوم المهروس ونحركها شوي بعدين نصب عليها علبة الكريمه المخفوقه كلها ونحركها ونحط مقدار قليل من بودرة الفلفل الحلو لمن يتغير لونها وبكذا نكون خلصنا من الصوص نرجع للبطاطس لمن تحسين انها استوت طلعيها بس لا تكبي المويه خليها نقشر البطاطس ونهرسها بالشوكه ونحط معاها شوية زبده ونخلطها بعدين نروح للمويه حقت السلق ونحط حوالي 8 ملاعق اكل صغيره ونحركها بعد كذا شوفي اي طاسه صغير وحطي البطاطس فيها واقلبيها في صينيه تدخل الفرن حاولي تسوي زي الحفره من فوق عشان تقدر تصبي الصوص وادهنيها بالزبده كلها وبس دخليها الفرن بس تشغلي السخانه من فوق وخليها 5 دقايق وطلعيها وحطيها في صحن ورشي عليها من بودرة الفلفل بالهناء والشفاء // ثاني شي ،، سلطة مشكله ^^ حطي فيها كل الي نفسك تاكليه انا حطيت ذره وفاصوليا حمرا وخس وكرم ابيض وجزر وخيار وبس والصوص ،، زبادي ومايونيز وخل وليمون وملح وفلفل // ثالث شي ،، مقبلات بسيطه بالمرتديلا هذي توست مدهون بمايونيز ومرتديلا وخس وجبه وزيتون وهذي بطاطس مهروسه مكوره ولفيت عليها المرتديلا والجبنه ،،،، وبكذا خلصت مقبلاتي ان شاءالله تعجبكم