الله يرزقك من واسع ابوابه ويعطيك حسنة على كل حرف علمتيه ...
التدريس حلو بس انه متعب واذا على التثبيت طبعاً رواتب المدرسين ماشاء الله ممتازة
اما انك تبغين تسيري ادارية طيب في اي قطاع التعليم فرضاً ولمن تستغني عن التعليم وتكوني ادارية احسبي لو انك اخذتي الجامعة باذن الله راح يحطوك على اي مرتبة وهل سيحسبون لك سنوات خدمتك عشان يكون هناك عدل ام سيعاملونك انك جديدة يعني تتعيني على السادسة ويقل راتبك للاسف الشديد ..
انا ما ودي احطمك لكن لازم تعرفي وش وضعك بعد شهادة الجامعة مع وزارة التعليم او ديوان الخدمة يعني احسبيها صح الشي الي يفيدك ويكون راتبك ممتاز سوا في التدريس او الادارة لانه بغض النظر عمل والعمل تعب وما دام انك راح تتعبي اتعب على راتب كبير ولا اتبع من اول السلم ابدأ وكاني توني متوظفة ...
إن شاء الله اكون افدتك في هذا الموضوع
اما عن اسهل قسم في الادارة العامة للاسف انتم في الانتساب لا يسمح لكم الا بقسمين في الادارة العامة اما تطوير وتنظيم او ادارة مستشفيات وفي قسم حلو في ادارة الاعمال اسمه تنمية موارد بشرية ولكنه صعب شويه وفيه مواد علمية كثير ..
وانتي ما عندك حل الا تنظيم وتطوير اداري اما عن القسم فهناك اربع مواد علمية كلها طبعاً تخلوا من اسلوب الرياضيات الممل الي فيه المعادلات وجت واخواتها ...
اول مادة راح تدرسيها هي المحاسبة وهي تعتمد على 1+1=2 يعني بالعربي مادة يبغالها ممارسة عملية وهي مادة سهلة وتافهه فقط لمن يمارسها عملي يعني دفتر ابو 100 ومذكرة هاني عرب وتدهري فيها وخاصة دفتر اليومية ..
وبعدها راح تاخذي محاسبة حكومية وفيها قيود فقط واكثر الطلاب يحفظون القيود ويريحون بالهم .
وبعدها مادة اقتصاد جزئي وهذي المادة حذفتها ترمين كنت احسب انها صعبة ولكن طلعت تافهه ايضاً اخذت اخر ثلاث اختبارات يعني نماذجها وحليتها تمام وطلع منها الاختبار وهي فيها امور مثل القسمة والطرح لكنها ممتعة اذا فهمتي عليها وانا حبيتها وسرت اعلم الشباب عن طريقتها ..
وفي الاخير تجيك مادة بحوث وعمليات هذي المادة من اسمها يجيب الرعب وانا الان راح اخذها وجالس على الصيف اذاكرها وطلعت لي المادة مثل الالغاز ممتعة ولكنها في نفس الوقت غثيثة شويه يعني لازم ينتبه الواحد لحله اي غلطة تخرب المسئلة كلها ولكنها ليست صعبة ...
بس اسلوب الرياضيات العقيم لا يوجد بهذه المواد ..
ارجو ان اكون افدتك