[انترنتاوي]

أكيد هالموضوع مكرر ...لاكن تكراره دليل على أهميته

الأغلب يشتكي من صعوبة التواصل باللغة الانجليزية لأن إعتمادنا على الكتب دائماًولا يكتب الواحد بشكل جدي الا وقت الاختبارات

انا واتوقع معي مجموعه ليست بالقليلة اتمنى اتخرج من الجامعة شخص مختلف من ناحية اجادة اللغه واتقانها لأن هالغة صارت تخصصي وفي اي مجال راح اكون فيه اكيد كل الي حولي راح يتوقعو مني اكون مجيد لهاللغه بسبب الشهاده الي راح احصل عليها ان شاء الله تعالى وهذا الشيء طبيعي لاني انا وانت مانرضى من الطبيب التقصير في عمله ولا من المهندس والا من الميكانيكي والامن الطيار وإذا اخطاء حملناه المسؤلية وانتقدناه اشد انتقاد... إخواني أخواتي بكره راح نكون في نفس الموضع من المسؤلية وعرضة للنقد .
وصراحه هالمنتدى من احسن الفرص للتواصل كلنا تخصصنا واحد والاهتمام واحد ليش نروح ندور على شات ماندري وشتقول فية ليش مايكون الكتابة والمشاركة في المنتدى باللغه الانجليزية الزامي

يعني إدارة المنتدى والمشرفين يخصصون فتره يكون فيها الانتقال للكتابة للازامية بالانجليزي مثلا الي بيبدا يكتب مواضيعه او يعلق بالانجليزي من اليوم وبعد فترة شهر يكون الكتابة بالانجليزي شرط للمشاركة وبقاء الموضوع
اتوقع بهالطريقة يمكن يتحول كل الطلاب والطالبات للكتابة بشكل تدريجي ويكون للواحد فرصة انه يكتب ويعلق ويمدح ويشكر وحتى يفضفض بالنجليزي بدون خجل لأنه موبشرط صحة القرمر او السبيلينق اهم شي المشاركة في البداية

اكيد بيكون فيه معارضه مثل ماصار في المواضيع الي قبل بس ترى مافي شي يجي بالساهل الطلاب الي يدرسون بجامعات في امريكا وبريطانيا ما اجادو اللغة الا بعد ماانجبرو على استخدامها في كل شيء

آسف على الاطاله او اذا كان فيه اخطاء كنت اكتب بسرعه علشان متتلخبط الافكار