سلام للجميع مبروووووك للناجحين واللي تخصصو ومبروك مقدما للي باقيلهم صيفي والله يوفقكم ويسرلكم ^_^
المهمم حبيت اشرح طريقة التسكين عشان كتييير يقولوظلموني قفل 75 وانا نسبتي 80 ومدري ايش
بسم الله
اولا نعرف انو شروط الكليات الصحية يبغو في الطب والاسنان 85 وطب عسفان وصيدلة وتطبيقي 80 وهندسة 80 اوكي هادي النسب الخاصة اللي تدخلك في المنافسة في القبول في الكلية
طريقة التسكين اول شي يطالعو في النسبة الخاصة اذا حققتها خلاص يشوفو النسبة العامة واذا في مقعد ياخدوك وكدا لين تخلص المقاعد واذا ماحققت الخاصة فماراح يشوفو العامة وبرا المنافسة على طووول وهادي بالنسبة للكليات الصحية والهندسة واعتقد الحاسب له نسبة برضو
لكن الاقسام الباقية يطالعو في النسبة العامة على طول ويقبلو بالاعلى فالاقل حتى الاكتفاء
مثال للوتضيح:
نقول عمر نسبته الخاصة 82 والعامة 87 اوكي وقدم طب انتظام ومانقبل وقاعد يقول ليش كدا والجامعة ظالمين ومايعرفو يسكنو
وووو ههههه تحمست المهم ليش مانقبل عشان الخاصة عندو 82 والطب يطلبو 85 فخلاص ماحقق الشرط فماراح يطالعو في العامة وبس إن شاء الله الكل فهم واستفاد واي سؤال انا حاضر^_^