[الخلوق]

وعليكم السلام ورحمة الله وبركاته

أولا/: التحويل شي وسحب الملف شي ثاني ........ سحب الملف يعني خلاص مالك جامعة تدرس فيها إذا جيت تقدم تدرس من جديد أما التحويل لجامعة أخرى فتتعادل لك المواد اللي درستها هنا في الجامعة وموجودة في الجامعة اللي بتحول لها


والجامعة اللي بتحول لها يكون لها شروط علشان تحول لها ومنها :- لازم تدرس سنة في تخصصك أو سنة في الجامعه المحول منها(على حسب الجامعه اللي بتحول لها )

كل جامعه لها موعد في تقديم طلبات التحويل الخارجي ويكون كل سنة مره أو كل ترم مره والطريقة كالآتي:-

-روح للجامعه اللي تبي تحول لها واسألهم عن موعد التحويل الخارجي ، ولهم طلبات وشروط علشان تحول إذا انطبقت الشروط عليك شوف طلباتهم ووجهزها ووديها لهم (وكل الوثائق اللي يطلبونها صور ما يطلبون الأصل لأن الأصل تكون عندنا في الجامعه ومن الطلبات: عبي نموذج طلب التحويل وتلقاه على موقع الجامعه اللي بتحول لها وصورة شهادة الثانوي وصورة بطاقة الأحوال و .....)

- إذا قدمت الطلب للجامعه اللي بتحول لها يروح طلبك لعمادة القبول والتسجيل في الجامعه اللي بتحول لها ثم لهم إجراءات تحويل داخلي يقومون بها ، ويعطونك موعد تراجعهم فيه


- هذا كله يتم وأنت تدرس وتختبر زي ما أنت طالب في جامعة الملك عبدالعزيز ، حتى جامعتك ما تدري إنك مقدم طلب تحويل خارجي


-إذا قبل طلب تحويلك في الجامعه اللي تبي تحول لها يطلبون منك السجل الأكاديمي(كشف الدرجات) ووصف المواد اللي درستها ...... إذا كانت متوافقه مع المواد اللي عندهم في التخصص اللي تبي تحول له أو بعض المواد متوافقه يعادلونها لك


-إلى الآن أنت ما سويت شي رسمي كل اللي عطيتهم صور

-بعدين يعطونك خطاب قبول طلبك إلى جامعتك الأساسية علشان ترسل لهم ملفك ...... طبعا الآن أنت لك الخيار إذا ما بغيت تحول تقول لهم خلاص ما أبي أحول خلاص وكل اللي عطيتهم صور ..... لكن إذا بغيت تحول تودي الخطاب لجامعتك الأساسية وفي إجراءات تسويها عندهم موافقة مدير الجامعه وموافقة العميد وإخلاء طرف وزي كذا ....... ثم يتم إرسال الملف من جامعتك الأساسية إلى الجامعه اللي تبي تحول لها (ما يعطونك الملف ويقولون لك وديه للجامعه اللي بتحول لها ..لا..هم يرسلونه)



أنا أقول لك هذا الكلام لأني مقدم طلب تحويل لجامعه أخرى ....طبعا أنا خلصت المستوى الرابع..... يعني لو قدمت تحويل ما راح تخسر شي ،الكلام بعد ما تصدر موافقة طلب تحويلك هنا تتخذ قرارك تبي تحول أو لا



أتمنى إني أفدتك ............... وشكرا