السلام عليكم احب ان اكتب لكم قصتي مع جامعتنا الحبيبه
اول شي سجلوني تعليم عن بعد مع اني كنت ما ابغاه وقالولي فات موعد التسجيل للانتظام
المهم خلصت السنه التحضريه وكان املي ادخل ادارة اعمال المهم بعد ماخلونا فتره فيه شالو القسم
وخلولي مججال اداره عامه وانا ما ابغاها ورجت الجامعه وكان قدامي خيارين علم نفس ولا لغه عربيه
اخترت علم نفس قلت بس اخلص واحول لتربيه خاصه اللي في كلية التربيه المهم خلصت سنه التانيه ودخلت دحين في التالته وجاااني انواع التحطيم حسبي الله عليها من جامعه المهم جيت احول قالولي لازم تحولي انتظام واذا عديتي نص مواد التخرج ماتقدري تحولي سواء من كليه لكليه او انتظام قلت احول انتظام واخذ دبلوم تربوي ودبلوم تربيه وطبعا كل شي بفلوس يمشي وقلت مو مشكله اهم شي احقق لو جزء من احلامي الورديه
المهم واحول اسجل مو راضي يقولي العنوان غلط ع طول اصلا موووووقع جامعتنا الحبيبه في اجازه
المهم جيت استفسر ع موعد التحويل قالولي انتهى وجاتني الصدمه الكبيره حسيت انو محقدر احقق ولا جزء بسيط من احلامي في جامعتنا وافكر اسحب لانو من جد ما ابغا ينحسب عليا متخرجه من قسم انا اصلا بالقوه داخله والله يعين احاول ادخل جامعه ولا كليه اهليه تقدر ع الاقل الطالبات
بالله عليكم افيدوني الله يجزاكم خير قولولي اش العمل
