[أم إلياس]

السلام عليكم ورحمة الله وبركاته

اليوم صحيت في الصباح الساعه 11 علشان اقدم على المكافأه وشوي اطالع لجوالي الاقي اتصال الساعه9 تتوقعوا من مين طبعا انا كنت مسجلة الرقم عندي من اول لاني قبل كذا جاني اتصال من الجامعه من كثر مااعاني معاهم
المهم الاتصال طلع من استاذه,,,,,,,,,,,,,,,,,,,,,,,
الساعه وحده ونص مسكت جوالي قلت والله لاقوي قلبي وادق (لاني كنت مره خايفه ايش رح يردوا علي)
المهم دقيت قلت الو السلام عليكم استاذه زينب قالت لالالا من معاي قلت فلانه قالت اهلين فلانه انا استاذه عيده
المهم قالت مايصير .يا...... مو قبل كذا كان عندك مشكله في الجامعه وتوقف النظام معاك وانا حليتها لك كيف ترسلي لمدير الجامعه والمسؤؤؤلين كلهم وتقولي مااحد يساعدني ويرد علي يعني ماخليتي احد ماارسلتي له حرام عليكي يعني انا موجوده على هذا الكرسي علشان خدمة الطالبات وبعد كذا تقولي مااحد ساعدني ولا احد مهتم في الموضوع
يعني انا حبيت اتأكد انو انتي اللي ساعدتك وحليت مشكلتك علشان اقدر ارد على مدير الجامعه
ووووووووووووووووووووووكلالالالالالالالالالالالالال ام كثير

المهم في النهايه قلت لها مشكورة والله يعطيك العافيه وانا مانكرت مجهودك معاي بس الصراحه ماالاقي رد منكم على طول يدق علي مدير مكتب العميد ويقول امورك تمام حضرتكم ماتردو على التليفونات قالت بالعكس انا مو موجوده على هذا الكرسي الا لخدمة الطالبات وحل مشاكلهم
قلت جزاكي الله خير واسفين اذا جاك مني اي ضرر والحل الان في موضوعي

قالت خلاص حيكون عندك (((اختبار بديل في المادة)))
بعد كذا سألتها لا يكون عند نسمه او سحر قالت مافي الا هم قلت يعني انا ايش رح استفيد الكل يشتكي منهم ونازلين ترسيب في البنات ومابقي وحده ماسلمت منهم قالت انا عارفه بس دا الشي مو من اختصاصي راجعي مشرفة القسم او استاذة عايده قلت لها شكرا
وانتهت المكالمة


اللحين ابغى اسألكم شوية أسئلة هل اذا كان مادة وحده يكون فيه رسوم
ومتى عادة تكون الاختبارات البديلة
شاكرة لكم وقفتكم معاي ودعاويكم اللي الله لا يحرمني منها
ويسعدكم ويفرج عنكم كل هم
والله لساني عاجز عن شكركم لانكم كنتم بمثابة النبراس لطريقي
دمتم بصحه وعافية