[الملاك الأبيض]

الاخ نايف والاخوة الاعضاء اللي شاركوا مشكورين . موضوعك رائع وحلو وكل شي . ولكن اكثر شي يقهرني انو احنا نفتح مواضيع ونكتب اراء ونفضفض ونكتب امنياتنا ولكن على ارض الواقع لايتغير شيء وهذا الامر لاشك غلط مننا يعني المفروض انو نحاول نوصل صوتنا للمسؤولين على اقل تقدير حتى يكونوا معنا ويعرفوا ايش الصح وايش الغلط لو هم كانوا مو قادرين يشوفوه .

يعني مثلا بقترح شي بسيط انو مثلا نوصل صوتنا من خلال هذا الموضوع للمسؤولين او نراسل مدير الجامعة او نرسل ايميلات للاستاذ الشهري والاستاذ عبد الفتاح مشاط وغيره وغيره . صدقوني لو كل واحد فينا بذل مجهود بسيط زي كذا ,فانا متاكدة انو صوتنا راح يوصل وشوي شوي راح تتغير المناهج للافضل . طبعا انا مااحبذ انو نبدا بتدريس الانقلش من سن صغيرة جدا وننسى لغتنا العربية الام فالمهم للاجيال القادمة ان تعرف لغتها العربية لانها اساس حضارتنا وثقافتنا . ولكن في نفس الوقت الناس الي يدرسوا تخصص زينا يعني مفروض المناهج تكون على قدر المتوقع منها لتخرج ناس يفهموا مايقولوا ويدركوا مايسمعوا ويكونوا واجهة ترفع الراس لكل البلد .

يعني حبذا لو كل شخص مننا يرسل رابط الموضوع لشخص ومسؤول معين ليكون هناك جسر تواصل بيننا وبين الادارة يعني ماينفع كذا . نبقى نتكلم وكانو نتكلم امام جدار ويضرب الكلام ويعود صداه لنا بدون اي تغييير .