انا عندي ذي المواد مع ميييييين اخذها؟
مفاهيم دينة فيه مع ميساء ومع نجود انا اجب أ. ميساء لكن اسئلتها مقالية كيف المادة سهلة لو معها
وكيف د.نجود تكاليفها اسئلتها ومعامبتها لسا ما اخذت معاها شي
كلهم الاتنين مره عسل بس من ناحية الاختبارات اسئلة د.نجود أسهل وتعتمد على فهمك للماده وما تجيب عددي ابدا, تجيب اختاري يعتمد على الفهم مو الحفظ وممكن تجيبلك سؤال مقالي توصفي فيه نشاط أو تجيب كم سؤال عللي بس مره سهله (ويمكن تكون الأسئلة موحده)
من ناحية التكاليف لازم لازم تعملو تكاليف كتير واتوقع حتى لو أخدتيها مع أ.ميساء
لأنو المادة عليها 70 درجة بس على التكاليف
عندي مفاهيم عليمة مع مين اخذها ؟؟
مع أ.رندا مغربي .. الأستاذه دي مرررررررررره عسسسسسل من كل النواحي
لا تاخديها مع د.ساما خميس والله يعينك لو مافيه غيرها
احتياجات خاصة اك
ي د. حنان
ايوا أكيد معاها, دي الانسانه مره منرفزه وانتبهي منها مرررررره
ممكن لو تحطك في راسها تخسف بدرجاتك وما يعجبها العجب ولا الصيام في رجب
بس أحسن شي انها ما تسوي اختبارات ابدا
شدي حيلك في التكاليف وحاولي تسوي شيء عليه القيمه ولا تتأخري في التسليم وخليكي ملتزمة في الحضور ولا تتأخري ولا تردي عليه ولا تضحكي على تنكيتها وحوالي تشاركي معاها وركزي في شرحها عشان لما تسأل في المحاضرة الجايه تجاوبي صح عشان تحبك وتعطيكي الدرجات
ثقافة 3
ما فرقت الأستاده بس شدي حيلك في الاختبارات وان شا الله تاخدي a+
حاسب اطفال
مع د.منال مديني . ما أعرف مين يدرس غيرها
بس مره مره جيده الدكتورة
نص المحاضرات ما تجي
ومو مشدده على الحضور والغياب والتأخير
ومعروفه اختباراتها مقاليه بس لو زاكرتي تكون سهله ان شاء الله وتقدري تاخدي فيها a+ بالساهل
بس انا اخدت فيها 80 :( راحت تقريبا 15 درجة في الاختبار النهائي. لانو واحنا نختبر جات الأمطار والسيول وسلمت الورقة وانا ما حليت وطلعت وغرقت في المطر
والطامة الكبرى ادراة مشروعات > خايفه منه
دي الماده تحمدي ربك لو نجحتي فيها
صح ما سمعت انو احد رسب فيها بس كلللللهم ناجحين عالحفه
وأكتر البنات درجاتهم فيها تحت 75
د.وفاء الصعيدي اسئلتها شوية هبلا بس تعتمد عالحفظ. والمشكله المنهج مره طويل
ابدأي مزاكرة قبل الاختبار بيومين أو ثلاثة وزاكري كويس للاختبارات
وتكاليفها سهله وتضمني فيها درجتك
وبكدا ان شاء الله تجيبي فوق 85
افيدوني والله يفرج عليها اللي تساعدني
