انا اعطاني 98 ونزلت كمان في نفس الوقت 471 وكانت 96
بعدين رجع سحب 476 وعطاني 82 مع اني حليت كل الاسئلة صحيحة ماعدا سؤالين فقط لا غير يعني المفروض 100% مع زيادة الدكتور
وانواع اللخبطه صارت
وكلمت الدكتور فهد واحرجني كثير لاني طلبت اشوف ورقتي
ودار بيني وبينه كلام كثير حتى بعدين قلت له انا آسف وماعاد راجعت ورقتي لاني بصراحة مللت من كثر ماراجع وقال لي كلام زعلني صراحة ولكن الله يسامحة مع اني احترمه كثير هذا الدكتور بس بعد كلامه اكتشفت انه مثل بقية الدكاترة ولا يفرق عنهم كثير
يعني كل ترم يبي لي اسبوعين اختبارات واسبوعين تعديل درجات
ومادري هذا ثالث ترم يصير معي كذا
شكله في جني او عفريت في رقمي الجامعي
|
هلا فيك اخوي عادل اتمنى ان تكون في احسن حال بعد صدمة الدكتور فهد بتعديل الدرجات وبصراحة زي ما تفضلت ممكن يكون فيه نوع من اللخبطة من الدكاترة ويكون الطالب هو الضحية في الأخير.
لكن بكل صراحة اعتقد واعتبره هذا رآئي الشخصي انه لما تم سحب الدرجات المرصودة وتم تغيرها بغض النظر إلى الأحسن او الأسوء اعتبرها حركة جريئه وفيها نوع من الشفافية طبعا ممكن انك تسألني ليه لأنو مجرد مايتم اعطائك درجة تقريبا كاملة في ماده ثم تغيرها الى اقل منها بحوالي 15 درجة تعتبر هذه كارثة وصدقني يمكن الدكتور فهد ماعمل هذه الحركة الا وهو واثق تمام الثقة بماهوعمله وايضا ان يكون مستعدا لأي اعتراض او ردة فعل وذلك من خلال مراجعة الأوراق ومواجهة كل طالب معترض وإثبات ذلك.
ولذلك اخوي عادل لا تخلي الموضوع ينعكس عليك بالسلب اعتبر انك تبرعت فيها لواحد كان f والله انقذه بدرجاتك هههههههههه وصدقني اخوي عادل انا متأكد ان اغلبية الأعضاء ومن ضمنهم انا ندعيلك من كل قلبوبنا ان عسى الله يوفقك وييسرلك امورك ويخارجك من ها الأزمات مع تصحيح الدرجات اللي كل ترم صارت ملازمه لك ولي بعض الزملاء وان الله يخارجك من هاالجامعة بأقل الضرر.
المشكلة عندي ثلاث مواد ودي اخذها صيفي مع الدكتور فهد 471 , 475 , 476 BUS وما أدري بصراحة أخذها كلها مره وحده او اخلي شي للترم الجاي علما ان الترم الجاي اعتبر خريج إن شاء الله وإذا انك تنصحني اني ااخذها مره وحدة هل اعتمد على الملخص اللي ارفقته في بداية الموضوع لي 476 وهل يوجد ملخص لى 471 , 471 يعتبر وافي للمواد المذكوره. انا ادري اني طولت عليك وأخذت من وقتك لكن صدقني يشهد على ربي اني ما اتمنالك الا ماتمنيته لنفسي وإنك تستاهل كل خير والله يرزقك دنيا واخره.
اخوك ابو سعود