[bint aboha]

فمان الله يالبيت الحبيب الغالي.


يلي معك في كل الاركان صوره.

عشر وتقفاها عشر بالتوالي .

عشرين عام ضمني في سوره.

هناك مجلس عامر برجالي.

كل النشاما تدهله وتزوره.

راعيه (ابويه) والشبور طوالي.

مكرم ضيوفه والعدا مدحوره.

راعي سمينه ودله وفنجالي.

وعلوم طيب وفزعه مخبوره.

يالله عساله بجنتك منزالي.

ينعم بجنات النعيم وحوره.

اليوم اودع منزلك يالغالي.

واخذ معي ذكرى هنا...؟محفوره.

واترك دفاتر همي وغربالي.

ودموع حزن بالورق منثوره.

واقلام شعري ومجلسي بلحالي.

والليل لابان القمر في نوره.

واغلى الطيوف اللي تجي على بالي.

اللي معي فغيابهم وحضوره.

ودامه محال انه يدوم الحالي.

عساي اكون بغيبتي معذوره.

وفمان الله يالبيت الحبيب الغالي.

يلي معك في كل الاركان صوره



من أجمل أشعار سعد علوش