[سنفورهـ]

المشاركة الأصلية كتبت بواسطة ماليزي والله ياناس انا قابلت عميد القبول والتسجيل الدكتور مشاط وشرحتله ماتقدم جامعة الملك فيصل لطلابه وماتقدمة جامعة الملك عبدالعزيز لطلابها وبعد نقاش مطول حيث أنه لم يجد مبرر لهذه الرسوم العالية والتي تعتتبر في دول مجاورة لنا رسوم انتظام وليست انتساب قال لي جامعة الملك عبدالعزيز تديك شهادة أكاديمية أما جاعة الملك فيصل فشهادتها غير أكاديمية. رديت عليه وبكل بساطه وقلتله أذكر لي أي جهة لما أروح أتقدم على وظيفة تسألني هل شهادتك أكاديمية ولا لا! فلم أجد جواب لديه اطلاقا. وبالعكس فطالب جامعة الملك فيصل انتظام تخصص لغة انجليزية يتعين على المستوى الخامس بينما طالب جامعة الملك عبدالعزيز يتعين على المستوى الرابع. انا اللي قاهرني ان الجامعة العربية المفتوحة مستأجرة مباني والدكتور يجي الين القاعة ويشرح وفوق ذلك عندهم سيرفرات خاصة بالتعليم عن بعد وقوية وفوق ذلك الرسوم مقاربة جدا لجامعة عبدالعزيز. رغم ان عبدالعزيز لا هي مستأجرة ولا شي ولاسرفرات موجودة بنا ولا بدونا يعني مدفوعة من الدولة وش اللي رافع السعر ماندري. لكن انا اجزم ان المسألة مسألة زرف فلوس ولا هي تعليمية ولا شيء وهذا ثبت من خلال الدكاترة وطريقة شرحهم.

ماليزي بالنسبه للعربية درست فيها واشوف عبد العزيز رحمه لها بمراحل

العربية حررررق اعصااااااب فيها الله العالم

بعدين العربيه كل سمستر يزيد السعر رسوم تسجيل اول سنه سجلت كانت 300 بعدها زاد 700 بدون تسجيل مواد ولا شي

3 مواد سمستر كان 4000 طبعا كل سمستر يزيدون السعور لحد وصل لي 8000 وسحبت من الجامعه .. تخيل هذا بسمستر مادتين او 3 مواد توصل بالمبلغ هذا

طبعا تخصصت ادارة الشرح لك عليه طبعا بعض الكلاسات مايجيك دكتور لا يحطون لك شاشه والدكتور يشرح من بريطانيا

يعني تخيل انت بقاعه مع طلاب تسمع المحاضره وماتقدر تقاطع

ع الاقل احنا موفر لنا السنترا والتكست شات اذا حبيت تسال او يعيدون لك فقره

طبعا لازم تكون لغتك الانجلييزيه هي لغة الام البريطانية لانك تحاسب حتى على السبيلنج والاسلوب والمصطلح المستخدم سواء في حل الواجبات او الاختبارات