[reemoo.rs]

المشاركة الأصلية كتبت بواسطة عودة جيفارا اختي ريمو ... اصلاً حسب المادة ال14 يمنع منع باتاً عمل المراة في عمل مختلط مباشر مع الرجال ... وحتى كاشيرات الهايبرات لها معايير وانظمة ومقاييس ما يتعدوها يعني افهم قدروا يضحكوا عليكي ويخدعوكي لجهلك بالنظام ويصير يرفعوا لوزارتنا خطاب انه الرفض كان من جهتكم والمشكلة مو منهم ويمشي حالهم وضحكوا عليكم... اختلاط عام مباشر مممنوووع في وظيفة اساسية فما بالك بتدريب صيفي ؟؟ تقولي في شركات ومستشفيات اختلاط كيف تقول ممنوع ؟ اقلك انه اختلاطهم هذا مخالف لنظام الدولة وان جوهم مفتشين او مفتشات راح يفرضوا غرامات وممكن يقفلوا المنشأة ... ولو افاجئك انه للاسف صاروا كثير يبحثوا عن عمل مختلط يقلك ممكن يترقوا اسرع عشان مدرائهم رجال فغير المرأة ...وممكن يلقوا عرسان !!! اقلك الدنيا الله المستعان ما ادري ايش صار فيها ... اما الموظفات فللاسف من بني جلدتنا و هل انتي عارفه انه اغلبهن ماجستير ... للاسف والله لما تكون العلاقة بينكم زي كده ... ما لقوا احد يوقفهم عند حدهم ... مع انه خطاب او ايميل صادق وبحق للوزارة راح يبرد قلبك وقلب غيرك ... الصمت للاسف ضيعنا وخلانا مكانك سر وللخلف در .. تحيتي ع

مشكور اخي لردك بس حبيت اقولك انه اساسا استقبال الشركه كان رجال للاسف الشديد والي اخذ اوراقنا رجال ويستظرف طبعا كالعاده ولما سالته وقولتله انا جايه على مكتب نسائي قالي لما نتصل عليكم تعالي كلمي مدير التوظيف هوا المسئول يعني كمان الشركه بكبرها كلها رجال وطبعا قالي لو عجبتكم اهلا وسهلا ماعجبتكم هههههههههههههههههههه وقعد يضحك ايش تسميه هذا بالله واقسم بالله العظيم كرهت شي اسمه دوائر حكوميه من جهل السيدات الي حرام الوظيفه الي هي فيها اساسا يعني يابنت الناس ترضيها على نفسك لما ننذل بدي الطريقه ونروح لمكان كله رجال ولا يفوتكم النظرات واحنا داخلين حتى عامل الشاي والقهوه ماسابنا في حالنا كانهم اول مره يشوفو بنات حسبي الله ونعم الوكيل ف الي حاطنا في هذا الموقف الله لايوفقهم يارب ليه يرضوها على بناتهم وعلى نفسهم اكيد لا انا عن نفسي لو انها وظيفه دائمه وفيه سيدات معايا ومكتب خاص بينا وباحترامنا والاجتماعات فقط مع مدراء الشركه ماعندي اي مشكله طالما اني محترمه حالي لكن وظيفه صيفيه وف سوق لا والله عالاقل الشركه كيان محدود وزوارها محدودين لكن محل كبر قريح وكل من هب ودب يجي اصلا كله كوم ولما جالسه تكتب خطاب الترشيح اختي تسالها طيب ايش مجال الشركه تقوم تديها نظره زي كدا بالضبط الموظفه وشوي تقوم تاخذنا كفين انا واختي لييييييييه يا امي حتصرفيلي من مال ابوكي اساسا حصلت مشكله في البدايه وقلتلها لو سمحتي احنا ماحنا اطفال شوية احترام في التعامل جزاكي الله خير قالتلي مابغى كلام كثير يلا يلا والا مافي ترشيح ومحا نديكم اوراق اقسم بالله كان احد لطشني كف لما قالت يلا يلا مافي ترشيح هههههههههههههههههههههه ليييييييييه وين قاعدين احنا وانا خارجه قلتلهم ترا احنا جامعيات وين الادب والاحترام ترا زينا زيكم عيب لما تعاملونا بهذي الطريقه واتحدى لو واحده فيهم من الي قاعدين معااها ثانويه حسبي الله ونعم الوكيل فيهم ماقول غيرها والله والله شي عجيب الله لايحدني اني اقدم على وظيفه حكوميه مع دي الاشكال اخذ 1000 ريال مو مشكله في وظيفه اهليه لكن باحترامي مش بالمهزله الي حصلت



معلومه بسيطه الي ادت اوراقها لشركه من الشركات هذول الي قاعدين يتلككو والمهزله الي حصلت نصيحه تروح ترجع تاخذها لانهم يستخدموها في التوظيف الوهمي انهم ياخذو اسمك وكانك موظفه عندهم وانتي اساسا ولا تعرفيلهم بس عشان نسبة السعوده ويستغلو اسمك ورقم هويتك انك موظفه عشان لاياخذو غرامات انا رايحه الثلاثاء اخذ الاوراق وارجعها للموظفات المحترمات الي في مكتب العمل