[girl.k.s.a]

الصدر ضايق.. والجفن.. سد عالي
يحبس وراه اسرار.. واحزان.. ودموع
أجلس مع اخواني.. و كنَي لحالي
أتصنًع البسمات.. و القلب موجوع
وانا كذا..!! من سبعة أيام حالي
من بعد ذاك اللي هجرته من اسبوع
له اربع اسنينٍ و هو رآس مالي
ويمشي معي دايم على السمع.. و الطوع
يا كان يعشقني و يعشق ظلالي
وياهو في موق العين و القلب مطبوع
أذكر.. مواقف بيننا.. في خيالي!!
ثم آتبسًم.. و أكتم الدمع.. واللوع
مليت.. من تمثيل.. دور المثالي
اللي يشوف الشوق.. و الحب.. ممنوع
يااااا خوي أنا ما نيب .. رجال آلي
هيكل من الفولاذ و الصلب مصنوع !
صحيح اكابر.. لو الاحزان فالي
و أتظاهر الشبعه.. وانا ميتٍ جوع
لكن.. اذا حنٍيت لانسان غالي
طبعآ.. بحس بحالة الضيق و الروع
تبغى الحقيقة عاد؟؟.. ما كنت ابالي
كنت احسب انه يشبه الغير في النوع
ويومٍ فقدته قلت.. شـلّي جرى لي؟؟
و قام الخفوق يونَ وبصوت مسموع
و شفت الليالي غير .. ذيك الليالي..
شفت المجرة.. لكن البدر.. منزوع!!
أحيان.. أعزز في لقاه إحتمالي..
وأحيان.... احس ان الامل صار مقطوع