[عــاشــق الميــلان]

حسب تجربتي واللي مر علي انا بقولكم وش صار معي ........

انا رحت الترم الاول من السنه الرابعة في وقت الاختبارات علشان اغير الحاله إلى متوقع تخرج وكنت وقتها مخلص 95 ساعة في السنوات الثلاث السابقة ،،، قالي المشرف ما تقدر تغير حالتك الآن وشرحت له ظروفي وقلت له انا من خارج جده وعطيته من الكلام المعسل <<==== راعي تفاحتين

المهم ما خذكم بالطويله قالي خلاص اذا طلعت لك درجة مادة على الاقل تعال اغير لك الحالة يعني اذا صارت الساعات المكتسبة 98 ساعة ،،، قلت خلاص واختبرت وانتظر تطلع النتايج وانتظر وانتظر المهم ما طلع شي الا بعد مارجعت وكان عدد الساعات المكتسبه 113 ساعة بعد نهاية الترم الاول للسنه الرابعة ،،، حاولت ارسل معامله واكلم قالو لازم تجي ولا ترسل من ينوب عنك ولا تعال لنا بداية الترم الثاني ...

راحت الايام وبدت اختبارات الترم الثاني واختبرت يوم السبت الصبح وبعدين رحت للشؤون التعليميه وطلبت كشف درجات والساعات المتبقيه وطلبت منهم نموذج تغيير الحالة الى متوقع تخرج وعبيت الخانه الخاص بي ،،، وبعد كذا رحت لمسؤول الانتساب بنفس المبنى وشيك على الساعات اللي خذيتها والساعات الحره والاختياريه ((واذا فيه اي مشكله راح يوضحها لك الانسان طيب ومتفاهم))

بعد ما شيك على كشف الدرجات وتأكد ان كل شي اوكيه وقع وختم على الكشف وكتب متوقع تخرج ... بعد كذا رحت لسكرتير القسم في مبنى الكليه ،،، عطيته الكشف وعطيته النموذج اللي عبيته حق توقع التخرج وبعد ما شاف الختم والتوقيع على الكشف عبا النموذج في الخانه اللي تخصه ووقع وختم عليه وكتب متوقع تخرج ...

سكرتير القسم قالي ليش توك تجي انت متأخر شرحت ظروفي قالي خلاص خذ الورقة هذي ((النموذج اللي عبيته لتوقع التخرج)) وروح لعمادة القبول والتسجيل عند المسؤول عن الانتساب

رحت لمبنى العمادة وقابلت المسؤول وعطيته النموذج وسألته متى راح تتغير الحاله قالي وبلغة اهل الحجاز
(( دحيييييييييين يا ولدي ))

قلت يابعدي والله ...

وفعلاً ما امداني اوصل للشقة وادخل للموقع الا الحالة متغيره الا متوقع تخرج


إن شاء الله تفيدكم التجربه واسمحولي على الإطاله بس حاولت افصل لكم وش صار معي بالضبط <<========= ما عليكم منه ترا لو عطيتوه وجه ما سكت وقالكم وش افطر ووش تغدا ...

ملاحظة : انا ماخذيت صورة الجواز معي لاني كنت اعرف سبلينق اسمي بالانجليزي ،،، يعني شغلت الجواز من صالحك هم ما لهم شغل لان بالاخير اذا فيه خطأ بالاسم راح تتحمله انت ... يعني اذا تعرف تكتب اسمك بالانجليزي موب لازم تآخذ صورة جواز معك

تقبلوا مروري وكل الشكر للأخ عادل اللي ما نستغني عنه والاخوه الاخوات مشرفين وأعضاء