[ماكنتوشه]

برجع واعلق ثاني من بعد اذنكم بالنسبه لوجهات النظر الاخرى :)

الحين فيه فرق بين الزواج نتيجه حب متبادل والزواج اللي ذكرتوه عن طريق منتدى
طبعا الزواج بعد حب هذا مو من عاداتنا يعني ماعتقد فيه الحين اثنين ماشين حب سنتين وثلاث
ثم بعدها يكون زواج خصوصا اذا الاهل عرفوا ان فيه محادثات وحب بينهم فالاغلب يرفض حتى لو كان الشخص ( كفو ) ..

الزواج عن طريق منتدى يشبه للزواج التقليدي
بس الفرق ان التقليدي امك جابتها لك واللي عن طريق منتدى انت جبتها ><
يعني انا سجلت بمنتدى انشر ثقافتي وافكاري وارائي ومن جانب اخر كان شخص يعجب فيني
وبافكاري وطموحي وبكذا اعجبته وعرف ان هالانسانه نفسها اللي يتمناها
طبعا احس غلط انه يروح يرسل لها تقبلين بالزواج فيني <~ لان هالطريقه ماراح تعطيه الجواب الي يبيه
اما تقول لا او تترك المنتدى وانت بكذا سببت لها احراج وتلاقيها متضايقه لانها ودها تدخل المنتدى بس ماتبي تشوف هالشخص :/

افضل طريقه زي ماقلت قبل عن طريق مدير المنتدى اذا كان شخص كبير بعقله
او عن طريق عضوة كبيره بشخصيتها ورزانتها ممكن توصل هالشيء لها ..

انا اعرف منتدى من حول 8 سنوات وتقريبا عرفت كل شخص فيه وكل بنت
الاغلبيه تزوجوا واغلب الاعضاء تحت اساميهم الشخصيه حتى بعضهم تلاقيه هو واخواته
او حتى البنت وابوها <~ مثلي ><

يعني تقريبا كذا تقدر بسهوله اما منتدى توك عارفه ومالك فيه سنه وتبي تخطب كذا يبي لك تتريث شوي ..

وبعد الحين طلعت فائده ان الشخص يكتب بأسم مستعار او اسمه الشخصي
يعني اعتقد اغلبيه الاشخاص اللي يكتبون اسمائهم تحت مقالاتهم باسماء مستعاره بيكون فيه شك بمصادقيه شخصيته واخلاقه

اما اللي يكتب او تكتب باسماء شخصيه تحت مقالاته بعتقد بيكون اقرب للواقع وبيكون شخصيه واحده بين مجتمعه الواقعي والافتراضي ..

اضافه ( للي يطلبها للزواج وجها لوجهه يعني او يكلم بنت عشان يبي يتزوجها هذا ياليت يتأكد من طريقته
وبعد ياليت مانرمي بااحكام الشرع لازم ناخذ فيها )
+ اضافه بعد بالنسبه للي يقولون ان الناس نظرتهم شينه للنت والناس اللي فيه
مشكله الناس يذمون اشياء وهم بنفسهم يستخدمونها ماعتقد مافيه احد مايدخل النت هالوقت
وبعدين حتى لو نظرتهم سيئه للشيء هذا احنا ايش علينا من الناس ؟ بنتزوج الناس ولا البنت ؟
اهم شيء تكون حياة الشخصين مستقره وامهم وابوهم متفاهمين لهالشيء :)

اعتذر ع الطواله والف شكر مره ثانيه :/