رد: يعني لازم يكون طموحي كلية الطب ولا اصير انسان بلا هدف ؟
اول شي احب اشكرك على موضوعك << ما عارفه تقرا النك
تاني شي والله اايدك في كل كلمه
منجد سار الكل يبغا طب
90% مو الدفعه طب والـ 9% و 1% مقسمين بين الكليات الباقيه
ليش طيب؟؟
في ناس ما يبغوه ويكرهوه لكن مجبورين يدخلوه عشان اهلهم يبغوا هادا الشي
او عشان اصحابهم هناك
او عشان اولاد عمهم دكاتره وهما مو اقل منهم
يعني مدري ايش هادا التفكير
انا دحين كم وحده لما تعرف معدلي الحمدلله عالي تقولي اكيد طب وتنصدم لما اقول لا اكره الطب انا
طبعا يبدأ السب زي الموقف اللي سار
انتي هبله ومدري ايش في احد ما يبغا طب
ناس يتمنوه
يعني عشان ناس يتمنوه انا اجبر نفسي عليه؟؟
بصراحه هادا التفكير رجعي
و الصح انه الواحد يتخصص في الشي اللي يحبه و يحس انه يبدع فيه
لانه لو دخل طب وهو مو في راسه دراسه بعدها بسنتين تلاته بالكتير يسحب ويضيع نفسه
و طبعا يصلي الاستخاره قبل يتخصص في اللي يحبه لانه يمكن ما يكون خير له
هادا كلامي ادري كتير
واشكرك تاني على الموضوع
تقبل مروري
|