طبعاً لا مانع من البكاء , خصوصاً لمن الواحد يكون متضايق , لازم ينفِّس عن غضبه و ضيقته بالبكاء , لانه اذا حبس زعله , آخرتها حـ ينفجر , هذا غير الامراض اللي حـ تجيه القلب , الضغط , و امراض اخرى ..
بعدين انا مو عارفه ليه بعض الناس تعتبره ضعف ..؟؟ , خصوصاً الرجل !!!
انا عني بصراحه ما احب أحبس دموعي نهائياً , صحيح انه مو ابكي على اي حاجه , لكن احيان تحس فعلاً انك تبغى تبكي , انا فـ الآونه الاخيره بكيت لمن شبعت لكن احب ابكي بيني و بين نفسي , اهم حاجه ارتاح من بعد هـ اللحظه , و احيان ما اقدر اتحمل , ممكن ابكي قدام اختي او صاحبتي ,
مو جريمه و لا عيب زي ما بعض الناس تفكر , او احيانا يطالعو فيك و يقول " يوووه مسكينه هـ البنت كأن عمرها سنتين ليه تبكي ؟؟"" ... البكاء ماله عمر محدد , و دموع الصغار مو زي الكبار !!