[القلب الدافى]

رغود ياقلبيّ انتي والله ودي اشوفك

اممممممممممممممممم بخصوص موضوعك ماشاء الله تبارك الله حلو انك خلصتي المستوى الرابع وربي يبارك لك المستوى الخامس وكل المستويات

والله يارغودة انة اجممممل وامتع واحلى مستوى هو المستوى الخامس

انا اقولك ااالادب اخدتو مع حصة الراشد الترم اللي فات وربي انا كونت من جنبها وغيااااابة ولا ادري شي عن المادة بس كونت اذاكر للاختبارات وعديت دي المادة بفضل ربي ( المادة شوية تحسي غريبة ومدري اش تبغى بس انا احسني استمتع بالمواد الادبية لانو تدرسي مسرحية وتحلليها وتتكلمي عنها وكمان القصة مررة حلو بس اغلس قسم هو الشعر ) وصدقيني كل الاستاذات جيدات زي فتحية ونوف الخطابي صاحباتي دا الترم نجحوا معهم ماشاء الله...... المادة تتكلم عن الشعر وعناصرة وامثلة يمكن 8 قصايد وبعدين الفكشن اللي هو القصة القصيرة تتكلم ع العناصر وقصتين < طبعا امتع جزء...... وقسم الدراما اللي هو المسرحية عناصرو ومسرحيتين حلو برضوا )

نجي للترجمة يالله يادي المادة اخدتها مع استادة كونت مرعوبة منها بس نجحت بفوق الثمانين آخدتها مع دكتورة اميرة قشقري الله يسعدها متعاونة ومراعية لابعععد حد كانت اختباراتها كلها ترجمي من عربي لانجلش والعكس يعني ماتتعبك بشي تاني(( زي ادوات الترجمة وعناصر الترجة وانواع الترجمة ))) المادة تعتمد على الحفظ كانت معطيتنا ملزمة وامثلتها مررررة سهلة حقت اطفال ومن الكتاب بس نحفظ الامثلة والحكم والامثال ) ماااادة سهلة بكل ماتحملة الكلمة من معنى حتى البنات اللي قبل اخذوها مع استاذة ابتسام باجري استمتعوا معها

مناهج بحث اخذتو مع دكتورةعايشة الحربي ونجحت بالثمانين والله المادة دي عملية ونظرية يعني تكرفين ببحثك وتكرفين بالحفظ ....والله نصيحتي نصيحتي لك هذي المادة لازم تشوفي مين يدرسها ......................
سبحان الله وحدة حاملتها 3 مرات مع دكتورة ؟؟تانية
بس من جد دكتورة عايشة ملخصة لنا الكتاب الغثيث بعروض وكانت جدية معانا بالبحث وكانت حاطة بس ميد تيرم واحد وعلية 15 يعني من جد ماتتعبي في الترم باختباراتو وسلسة بالشرح الله يسعدها (( والله مو عشان نجحت عشان من جد استفدت بمعنى الكلمة )) وكمان دا الترم ماسكتة دكتورة نورة المالكي من جد دي الدكتورة معروووفة بتعاااونها تعيد لك الاختبار لين تجيبي الدرجة اللي ترضيك وتشيك على بحثك وتبين اخطاءك وترجعه لك يعني دكتورة تبغى مصلحتك بس الشرح مادري والله بس هي كويسة ..

اللغويات طبعا دي المادة اللي متاخرها فيها وبآذن ربي بآخدها ترم صيفي بسسسس كل صاحباتي يقووولو سهلة ولله الحمد


امااا بخصوص المواد العامة نصيحة لاتاخدي مبادى بهدا المستوى وع تتعبك معنويااااا خدي عربي او ثقافة واذا تبغي كمان خدي مقرر حر


كلمة اخيرة اذا انتي تقدري تاخدي ترم صيفي نصيحة مني خدي مواد المستوى دا فية ( نازل في الترم الصيفي ترجمة وادب ولغويات )

من جد اسسفة على الثرثرة

وانا بالخدمة اي شي تاني من عيوني