[طالب طب في المستقبل]

المشاركة الأصلية كتبت بواسطة خالد9921 الحمدلله الذي عافانا ممّا إبتلاهم والله يابوداحم ما كان لي نفس أرد بأي موضوع يخص هالنجس أقشعر من السالفة .. لكن بصراحه القصّتين تبكّي القلب .. شي يحيّر والدنيا والله ما عاد فيها أمان للاسف :/ هذا المجنون مدري النجس مدري المسخ وش وضعه النفسي ؟ بصراحه شي يعجز عنه حتى كثير من مدمنين المخدرات .. !! وما أظن إنه يتعاطى لأني ما قريت أي خبر يُذكر هالشي بخلاف فقط أرقيلة شيشة لا تودي ولا تجيب .. بالجانب الثاني إذا نفسياً وش جرعة العنف اللي تلقّاها بطفولته وخلته بهالحيوانية الشنيعة القذرة .. ! أنا أظن إن المفروض حتى أهله يتبرّون عنه والله لو توصل في الجرايد لانها فشيلة و خزي و عار الله يكفينا .. ماهي حلوه بحقّهم إن هذا ولدهم ! تو واحد من اصحابي يقولي هالنجس أكبر بناته مدري عياله في الثانوية .. ! والله جاب الطامّة غير نفسيات أهالي الضحايا اللي بالحضيض كيف وقع الصدمة والعار على أطفاله وزوجته وأهله !! الوضع محتاج تقصّي عن جرايمه وكل معارفه وسجله النفسي والعقلي و القصاص بإذن الله ماكله ماكله الله لا يعوق البشر واللي يعطّل القصاص فيه الله يهلكه .. ! لكن خطر ببالي إن حتى طلابه لازم يتم إستجوابهم ممكن أحدهم أيضا تعرّض لتحرش جنسي خاصة لو كان معلّم في مرحلة مُبكّرة لان واضح ان سلوكه شاذ للغاية وتوقّع أي شي من أشكاله .. بالإضافة إن يتسخدم التظليل بجرايمه .. ضحاياه يصعُب التعامل معهم أمنياَ بالإستجوابات وهالسبب رئيسي في تأخر القبض عليه 3 سنوات .. بالإضافة إنو مافيه نظام كاميراتي تابع للشرطة في المدن مافي الا كاميرات مرورية ساهر وكاميرات المراكز التجاربة ولو كان فيه شبكة لسيارات الدوريات متصّلة بكاميرات في كل شوارع وأركان المدينة مثل دول كثيرة أجنبية كان هالشي سهّل كثير كثير من ايام صور السوق .. لان كان تم وضعها في الجانب المقابل اللي يبيّن الوجه دام فيه كاميرا للسوق تلقط ظهر الشخص .. رغم إنجازات رجال البحث والتحرّي ووصولهم السريع في قضايا كثيرة لكن هالمجرم خلق ثغرة أمنية شنيعة في المدينة أدّت إلى 3 سنوات من الغموض و 13 ضحية غير الضحايا غير المبلغّين .. !! وممارسة الجريمة ميدانياً وفي تجمعّات الناس وهاذي ثغرة أمنية سيئة للغاية للغاية !! العبرة لكثير من العوائل إنها تاخذ الحيطة والحذر وتترك الغفلة أستعجب يوم اني اتمشى هالويكند وبعد إنتشار خبر هالجريمة بكل مكان وانا اشوف عوائل تترك اطفالهم عند كشكات الكورنيش والمراجيح والبقالات لحالهم .. ! ما عاد ينفع هالوضع والفلتان .. المجتمع غير ملائكي ومليان بالناس المريضة اللي حتى للآن ما تم القبض عليهم .. مثلك عارف ما فيه شارع بالمدن الكبيرة ينشط بحركة السيارات والناس الا وفيه شخص عالأقل من المدمنين او المطلوبين أمنياً أو العاطلين أو العمالة الأجنبية أو المرضى النفسيين أو أو أو .. فالواجب عدم ترك الاطفال لحالهم أبداً في ظرف من الظروف .. بالاضافة لتعليمهم الجرأة وحماية انفسهم بشكل تربوي وأخلاقي وبدون خجل .. الله يعوّض على أهالي الضحايا والضحايا من خيره دنيا وآخره .. وعسى الله يهلك هذا الشخص وأمثاله عديمين الضمير والدين لا ومربّي أجيال كمان .. فعلاَ آخر الزمان يؤتمن الخائن .. الله يسترنا بستره يعطيك العافية يا صديقي ..

كلام رائع ... وما اقدر ازيد ع كلامك

شاكر مشاركتك ياصديقي

المشاركة الأصلية كتبت بواسطة الوردة الموفية امس قريته بجريدة الرياضي .. جد مررهـ تأثرت .. يعني حرآآآم هاذول البنات اكيد ما بينسوا الي سآآرلهم طول عمرهم .. حسبي الله عليه بس .. يعطيكـ الف عآآفية اخوي

وهذا اصعب شي في السالفة الصدمه النفسيه اللي ممكن توصل الى ان البنت تكره الرجال كلهم ..

حسبنا الله ونعم والوكيل

الله يعافيك

شاكر مرورك

المشاركة الأصلية كتبت بواسطة دارس1431 لاحول ولا قوة الا بالله والله شي محزن حسبي الله عليه كان الله في عونهن تعرضن لجرائم لا يتحملها الذي في مثل اعمارهن اسأل الله ان يقتص لهن عاجلاً غير اجل الملفت في الموضوع ان المجرم استفاد من المهرجانات وازدحام الناس وانشغالهم مما يلفت النظر ان المهرجانات يحدث فيها الكثير من اشباه هذة الجرائم سفاح لا رحمه ولا خوف اتوقع هذا المجرم حتى بناته لم يسلموا منه اما الضحايا الله يكون في عونهم ويعوضهم بالاجر والصبر شكرا اخي طالب طب تحيتي

الله المستعان ... وزي ماقال اخوي خالد هذا دليل انه فيه ثغرات امنيه عندنا ... ولكن المجرم هذا يعرف كيف يصطاد فرائسه الله المستعان ... نسأل الله السلامه والعافيه

وشاكر مشاركتك الرائعه في الموضوع

ودي واحترامي