[خالد القحطاني]

السلام عليكم .
اشكرك اخوي انك سبقتني في طرح هذا الموضوع وانا فكرت اني اكتب مثل هذا الايميل لأثني على الدكتور فهد ..

طبعا انا لا اؤمن ابدأً بان الدكتور ممتاز اذا كان متساهل مع الطلاب ويعطي درجات . لا بالعكس

مع اني اخذت عنده مادتين ادارة اعمال في ثقافات متعددة وادارة اعمال دولية وإلى الآن مانزلت الدرجات ولا ادري وش اخذت فيهم ..

لكن السبب الي يخليني اشكر في هذا الاستاذ المحترم هو طريقة وضعه للاسئلة.

طبعا هو نزل ملخص للمادتين اللي ذكرتها بالأعلى وبالأخص وضع 26 صفحة فقط ملخصة لادارة اعمال دولية , وزي مانتو عارفين الكتاب حجمه كبير جدا وفيه معلومات واشياء تدوخ الراس

ولو فيه اي دكتور اخر يبي يعجز الطلاب وناوي ماحد ينجح صدقني بأسهل الطرق ما احد يعدي اذا جاب اشياء من بين الأسطر .

ارجع واقول اني ما احبذ في اي دكتور انه يعطي درجات ويمنحها للطلاب وايضا ماراح امتدحه زي ماقلت على هالشي او على تعامله مع الطلاب . مع العلم انه دخل علينا في ادارة اعمال متعددة وكان فيه شباب يسالونه وكان رده مثل الدكاترة او الطقة البقية اللي يقلك حل وبس ولا تسال كثير .

ماعلينا .. ما اردت ايضاحه بالنسبة للدكتور.

من واقع خبرتي في الجامعة لم أرى دكتور مثله يضع الاسئلة بحيث تكون يحتاج لها تركيز كبير
واسئلة مترابطه وقد تلاحظ في نهاية الاسئلة ان الدكتور وضع لك سلسلة مترابطه من المعلومات على شكل اسألة قد يوجد اسالة تجاوب على اسألة اخرى وهذا هو الفن والابداع لدى الدكتور ..

هذا اللي شدني فيه لانه اعطى المادة حقها في الاسألة وتحس ان الرجل احترافي وفاهم بشكل كبير للمادة.

هذا الي حبيت اقوله في حق الدكتور واتمنى له التوفيق في جميع امور حياته ..