[عماد3]

السلام عليكم جمــيعا

حبيت اعلق على خبر قريته قبل دقائق من احد الاعضاء واللي يقول ان النسبة الخاصة للطب والهندسة لا تشمل الانجليزي ..

الخبر هذا ممكن فيه بصيص من الامل للطلاب اللي ما حققوا النسبة الخاصة



لكن في المقابل لو كان هذا الخبر صحيح

اتوقع حدووث كارثة لطلاب كلية الطب ..




طبعا الكل عارف ان هذه السنة حتكون مختلفة عن السنوات السابقة لانهم شارطين المقابلة الشخصية لطلاب كلية الطب



والكثير اتوقع ان المقابلة حتكون بالعربي وبسيطة وما راح تكون عائق للطلاب الراغبين في الطب
وفي ناس قالوا خلاص دام انهم شارطين الانجليزي في النسبة الخاصة فاكيد ما راح يشددو عليها في المقابلة لانك حققت الشرط واتجاوزت النسبة المطلوبة واللي تضمن الانجليزي

لكن اذا استبعدوا مادة الانجليزي في النسبة الخاصة اتوقع بان المقابلة الشخصية راح تكون 90% انجليزي
وهذا الشي اتوقع انو راح يكون عقبة ومطب كبيييير للطلاب

مجرد تحليل بسيط من عندي واحتمال يكون غلط ... واتمنى انو يكون غلط

وانتو ايش تتوقعوا ؟